विकास के प्राथमिकता म दुर्ग, भिलाई अउ चरौदा सर्वोपरि : डॉ. रमन सिंह

115 करोड़ के 155 काम मन के शिलान्यास अउ लोकार्पण


cm-in-charodaमुख्यमंत्री डॉ. रमन सिंह ह आज दुर्ग जिलाा के नगर पालिक निगम भिलाई-3, चरौदा के मंगल भवन परिसर म आयोजित एक कार्यक्रम म 1 अरब 15 करोड़ 55 लाख रूपए के 155 काम मन के शिलान्यास अउ लोकार्पण करिन। एखर अंतर्गत चरौदा म 49 करोड़ 56 लाख रूपए के लागत ले दो चरण म ट्रांसपोर्ट नगर बनाये जाही। 30.60 हेक्टेयर म बनइया ये ट्रांसपोर्ट नगर म कुल 773 प्लाट बनाए जाही। इही तरा प्रधानमंत्री आवास योजना के तहत ’सबके लिए आवास’ अवधारणा के माध्यम ले उमदा हाउसिंग बोर्ड के पाछू 11 करोड़ 43 लाख रूपए के राशि ले 252 नग आवास बनाए जाही, 14 करोड़ 43 लाख रूपए के राशि ले छावनी चौक ले उमदा चौक तक सड़क बनाए जाही अउ 1 करोड़ 47 लाख रूपए के राशि ले जी.ई. रोड ले उमदा मार्ग म मॉडल रोड निर्माण करे गए हे। इहां ये मॉडल रोड म फुटपाथ, स्ट्राम वाटर ड्रेन अउ विद्युतीकरण के काम घलव करे जाही।
ये अवसर म कार्यक्रम म उपस्थित विशाल जनसमूह ल संबोधित करत मुख्यमंत्री ह कहिन के दुर्ग, भिलाई अउ चरौदा हमर विकास के प्राथमिकता क्रम म सर्वोपरि हेे। चरौदा के दर्जा नगर पालिका ले बढ़ा के नगर निगम करे गए हे। अभी इहां करीब सौ करोड़ रूपए के काम चलत हे अउ आज सौ करोड़ रूपए ले घलव ज्यादा नवा काम मन के शिलान्यास करे गइस। विकास के दृष्टि ते चरौदा ल उंचाई म पहुंचाया जाही। उमन 95 लाख रूपए के राशि ले उप तहसील कार्यालय भवन बनाये के घोषणा करिन अउ कहिन के चरौदा उप तहसील ल लउहे तहसील के रूप म मान्‍यता देहे जाही। उमन इही तरा चरौदा के अस्‍पताल म बिस्‍तर अउ सुविधा बढ़ाये के बात करिन। कार्यक्रम म मुख्यमंत्री ह कई विभाग मन के माध्यम ले संचालित हितग्राही मूलक योजना मन ले करीब 2 हजार महिला मन ल, बालिका मन ल, श्रमिक मन ल अउ हितग्राही मन ल लाभान्वित घलव करिन।
मुख्यमंत्री ह कहिन के प्रधानमंत्री आवास योजना के अंतर्गत प्रधानमंत्री श्री नरेन्द्र मोदी ह सबला आवास उपलब्ध कराये के सपना देखेे हें। इही क्रम म आज चरौदा म 252 आवास बर भूमिपूजन करे गईस। एखर तहत हितग्राही मन ल डेढ़ लाख रूपए के अनुदान देहे जाही। मुख्यमंत्री ह कहिन के दुर्ग जिले ल जहां कई विश्वविद्यालयों के सौगात देहे गए हे, उहें संभाग के दर्जा घलव देहे गए हे अउ भिलाई म देश के सर्वोच्च प्रतिष्ठित शैक्षणिक संस्था आईआईटी स्थापित करे गए हे। इहां 16 सौ करोड़ के एकर परिसर केे निर्माण चाहू हेे। मुख्यमंत्री ह चरौदा के निवासी मल ले अपील करिस के उमन हर एक घर म शौचालय बनवावय अउ पूरा नगर निगम क्षेत्र ल ’खुले में शौचमुक्त’ बनाके देश के प्रधानमंत्री के सपनाा ला पूरा करंय। उमन बताईन के राज्य सरकार अवईया अप्रैल माह ले स्मार्ट कार्ड के माध्यम ले 30 हजार रूपए के चिकित्सा राशि ल बढ़ाके 50 हजार रूपए करे जावत हे। उमन इहू बताईन के अवईया दू साल म प्रधानमंत्री उज्जवला योजना के अंतर्गत जमो पात्र महिला मन ल मात्र 200 रूपए के राशि म गैस कनेक्शन देहे जाही। डॉ. रमन सिंह ह कहिन के प्रधानमंत्री के 500 अउ 1000 रूपए के नोट बंद करे के काम ले आतंकवाद ल बढ़ावा देवईया आतंकी मन के संगें-संग स्मग्लर मन के पइसा बूड़ गए हे फेर गरीब मन अउ ईमानदार मन के एक-एक पइसा सुरक्षित हे।


cm-lokarpan-charoda
कार्यक्रम ल संबोधित करत नगरीय प्रशासन मंत्री श्री अमर अग्रवाल ह कहिन के राज्य शासन द्वारा चरौदा के तेजी ले विकास बर नगर पालिका ले नगर निगम के रूप म अपग्रेड करे गए हे। इहां सौ करोड़ रूपए के राशि ले पेयजल आपूर्ति के योजना के काम कराये जात हवय, जेखर 40 प्रतिशत काम पूरा हो गए हे। एकर माध्यम ले यहां के हर एक घर म स्वच्छ पेयजल के आपूर्ति करे जाही। उमन कहिन के ट्रांसपोर्ट नगर अउ रेल्वे क्रासिंग जइसे काम मन के पास होए अउ भूमिपूजन करे ले इहां के बहुत दिन के बहुप्रतीक्षित मांग पूरा होए हे।
राजस्व मंत्री श्री प्रेम प्रकाश पाण्डेय ह कहिन के चरौदा के तेजी ले विकास अउ सुव्यस्थित विकास खाहिर एला नगर निगम के दर्जा देहे गए हे अउ आज इहां 115 करोड़ रूपए के काम के सौगात देहे जात हे। विधायक श्री सांवला राम डाहरे ह मुख्यमंत्री ले चरौदा ल तहसील के दर्जा दे बर अउ चिकित्सालय ल अपग्रेड करे के मांग करिन। कार्यक्रम म महिला एवं बाल विकास तथा समाज कल्याण मंत्री श्रीमती रमशीला साहू, सी.एस.आई.डी.सी. के अध्यक्ष श्री छगन लाल मुदड़ा, पूर्व विधायक सर्वश्री विजय बघेल अउ श्री डोमनलाल कोर्सेवाड़ा सहित अड़बड झन जनप्रतिनिधि, पुलिस महानिदेशक श्री दीपांशु काबरा, कलेक्टर श्रीमती आर. शंगीता, पुलिस अधीक्षक श्री अमरेश मिश्रा सहित नागरिकगण उपस्थित रहिन।
ये कार्यक्रम म मुख्यमंत्री ह अधोसंरचना मद के अंतर्गत 16 करोड़ 8 लाख 21 हजार रूपए के लागत ले कई वार्ड मन म 143 विकास कार्य अउ एक करोड़ 13 लाख रूपए के लागत ले सीएसईबी कालोनी के पाछू ले मुक्तिधाम तक आर.सी.सी. नाला निर्माण अउ 91 लाख रूपए के लागत ले पदुमनगर रायकाबाड़ी ले पथर्रा तक आरसीसी नाला निर्माण के शिलान्यास घलव करे गईस। उमन इहां 44 लाख रूपए के लागत ले सिरसाकला, चरौदा भाठापारा अउ विश्व बैंक कालोनी भिलाई-3 म पी.डी.एस. के तीन भवन निर्माण के लोकार्पण घलव करिन। अइसने उमन जी.ई. रोड वसुन्‍धरा नगर दक्षिण म 11 लाख रूपए के लागत ले बने बगईचा के लोकार्पण घलव करिन।

Post a Comment

0 Comments