प्रसिद्ध अभिनेता अनुपम खेर ह करिस रमन ऐप के लोकार्पण






रायपुर, 12 जनवरी 2017। मुख्यमंत्री डॉ. रमन सिंह के माई पहुनई म आज इहां बूढ़ातालाब (विवेकानंद सरोवर) के आघू इंडोर स्टेडियम म स्वामी विवेकानंद के जयंती (राष्ट्रीय युवा दिवस) समारोह म प्रसिद्ध फिल्म अभिनेता श्री अनुपम खेर ह रमन ऐप के लोकार्पण करिस। ये ऐप के माध्यम ले मनखे सीधा अपन प्रदेश के मुख्यमंत्री ले जुड़ सकत हें। मुख्यमंत्री डॉ. रमन सिंह के ये ऐप म जमो नवां जानकारी अउ सूचना हवय। रमन ऐप म मुख्यमंत्री के रेडियो वार्ता रमन के गोठ के जम्‍मो कड़ी ल सुने जा सकत हे।


मुख्यमंत्री के दौरा, बैठक अउ जमो आयोजना मन के फोटू अउ वीडियो घलव देखे जा सकत हे। मुख्यमंत्री के सार्वजनिक जीवन, उंखर योजना अउ उपलब्धी मन के जानकारी घलव ये ऐप म हवय। डॉ. रमन ऐप एंड्रायड अउ आईओएस दूनो सुविधा वाले मोबाईल फोन म उपलब्ध हवय जेला गूगल एप स्‍टोर ले डाउनलोड करे जा सकत हे। ये अवसर म कृषि एवं जल संसाधन मंत्री श्री बृजमोहन अग्रवाल, लोक निर्माण मंत्री श्री राजेश मूणत, स्कूल शिक्षा मंत्री श्री केदार कश्यप, खेल एवं युवा कल्याण मंत्री श्री भइया लाल राजवाड़े, महिला एवं बाल विकास मंत्री श्रीमती रमशीला साहू, विधायक श्री श्रीचंद सुन्दरानी, युवा आयोग के अध्यक्ष श्री कमलचंद भंजदेव, रायपुर विकास प्राधिकरण के अध्यक्ष श्री संजय श्रीवास्तव, छत्तीसगढ़ राज्य औद्योगिक विकास निगम के अध्यक्ष श्री छगन मुदड़ा, छत्तीसगढ़ राज्य महिला आयोग के अध्यक्ष श्रीमती हर्षिता पाण्डेय, नगर निगम रायपुर के महापौर श्री प्रमोद दुबे, जनसम्पर्क विभाग के सचिव श्री संतोष मिश्र, खेल एवं युवा कल्याण विभाग के सचिव श्री सोनमणि बोरा संग अड़बड़ झन जवान संगी मन उपस्थित रहिन।





Post a Comment

0 Comments