खेल से आथे जीवन म अनुशासन : डॉ. रमन सिंह





मुख्यमत्री हर करिस अंतर स्कूल खेल प्रतियोगिता के शुभारंभ


रायपुर, 17 जनवरी 2017। मुख्यमत्री डॉ. रमन सिंह हर आज बिलासपुर के राजा रघुराज सिंह स्टेडियम म अंतर स्कूल क्रिकेट प्रतियोगिता के शुभारंभ करिस। डॉ. सिंह हर स्टेडियम के पिच म बल्लेबाजी कर प्रतियोगिता के औपचारिक शुभारंभ करिस। प्रतियोगिता के आयोजन हिन्दी समाचार पत्र दैनिक भास्कर अऊ डॉ. सी.व्ही. रमन विश्वविद्यालय ह करे रहिस। ए अवसर म कई स्कूल के खिलाड़ी विद्यार्थि मन बैंड-बाजा के धुन म सुग्घर मार्चपास्ट करके सलामी दीन।


मुख्यमत्री हर प्रतिभागी मन ल संबोधित करत कहिन के खेल ले जीवन म अनुशासन आथे। खेल म सीखे अनुशासन जीवन के हर क्षेत्र म काम आथे। प्रतियोगिता म हार अऊ जीत ल जऊन प्रकार हम खेल भावना ले स्वीकार करथन, वैसनहेच जीवन के विपरित परिस्थिति मन म घलोक पराजय ल स्वीकार करत फेर जीते बर तैयार हो जाना चाही। छत्तीसगढ़ राज्य क्रिकेट एसोसिएशन के अध्यक्ष श्री बलदेव सिंह भाटिया हर एसोसिएशन के उपलब्धि मन के बारे म विस्तृत जानकारी दीन। दैनिक भास्कर समूह के श्री विपुल गुप्ता हर क्रिकेट प्रतियोगिता के आयोजन अउर उपलब्धियों के बारे म बताय। कार्यक्रम म छत्तीसगढ़ विधानसभा के उपाध्यक्ष श्री बद्रीधर दीवान, नगरीय प्रशासन अउर उद्योग मत्री श्री अमर अग्रवाल, जादा शिक्षा अउर तकनीकी शिक्षा मत्री श्री प्रेम प्रकाश पाण्डेय, लोक सभा सांसद श्री लखनलाल साहू, पूर्व विधानसभा अध्यक्ष श्री धरमलाल कौशिक, संसदीय सचिव श्री राजू सिंह क्षत्री, छत्तीसगढ़ गृह निर्माण मण्डल के अध्यक्ष श्री भूपेन्द्र सवन्नी, बिलासपुर नगर निगम के महापौर श्री किशोर राय, कमिश्नर बिलासपुर श्रीमती निहारिका बारिक सिंह, आई.जी. बिलासपुर रेंज श्री विवेकानंद सिन्हा, कलेक्टर बिलासपुर श्री अन्बलगन पी., पुलिस अधीक्षक बिलासपुर श्री मयंक श्रीवास्तव सहित गणमान्य नागरिक अऊ खेल प्रेमी अड़बड झन देखइया उपस्थित रहिन।









Post a Comment

0 Comments