सर्वश्रेष्ठ बुनकर पुरस्कार बर आवेदन 25 फरवरी तक

स्व. श्री बिसाहूदास मंहत सर्वश्रेष्ठ बुनकर पुरस्कार योजना साल 2014-15 अउ 2015-16'

रायपुर, 14 फरवरी 2017। राज्य सरकार के ग्रामोद्योग विभाग ले स्वर्गीय श्री बिसाहूदास मंहत सर्वश्रेष्ठ बुनकर पुरस्कार बर प्रविष्टि ए महीना के 25 तारीक तक आमंत्रित करे गए हावय। ये पुरस्कार पाछू वित्तीय साल 2014-15 अउ 2015-16 बर देहे जाही। ए योजना के तहत हर साल चुने गए दो श्रेष्ठ बुनकर ल एक-एक लाख रूपया नगद, चिनहारी, शाल अउ श्रीफल देहे जाथे। योजना के तहत प्रदेश के हाथकरघा कपड़ा बुनकर मन के पारम्परिक अउ आधुनिक डिजाईन म आन-आन रंग के संयोजन या बिना रंग के बुने जम्‍मो प्रकार के कपड़ा ल सामिल करे जाही।


style="display:block"
data-ad-client="ca-pub-3208634751415787"
data-ad-slot="6745940556"
data-ad-format="auto">


पुरस्कार बर प्रविष्टि प्रस्तुत करे बर आवेदक ल छत्तीसगढ़ के मूल निवासी होना चाही। आवेदक के उमर कम से कम 18 साल होना चाही, जादा उम्‍मर के मनखे खातिर उम्‍मर के बंधन नइ हे। आवेदक के हाथकरघा म अपन खुद के द्वारा कपड़ा बुनाई करे गए होना चाही। ए संबंध म निरधारित प्रारूप म शपथ पत्र देना होही। एक आवेदक के एके प्रविष्टि ल स्वीकार करे जाही। पहिली पुरस्कृत प्रविष्टि ए योजना म सामिल नइ हो सकय।
प्रविष्टि प्रस्तुत करे के संबंध म आवेदक ल पचास रूपया के स्टाम्प पेपर म शपथ पत्र देना होही। शासकीय, अर्धशासकीय, सहकारी संस्था अउ संघ के कर्मचारी ए योजना म हिस्सा नइ ले सकय। प्रविष्टि म देहे सबो जानकारी अउ प्रमाण के पूरा जिम्‍मेदारी आवेदक के खुदे के होही। पुरस्कार के चयन के संबंध म कोनो आपत्ति या अपील स्वीकार्य नइ होवय। पुरस्कार बर आवेदन पत्र अउ विस्तृत नियम शर्त जिला हाथकरघा कार्यालय रायपुर, दुर्ग, राजनांदगांव, जगदलपुर, महासमुंद, बिलासपुर, जांजगीर-चांपा, रायगढ़ अउर अम्बिकापुर ले प्राप्त कर सकत हव। आवेदक अपन प्रविष्टि बंद लिफाफा म संबंधित जिला के कलेक्टर के माध्यम ले या जिला हाथकरघा कार्यालय म या संचालक ग्रामोद्योग हाथकरघा संचालनालय इंद्रवती भवन चतुर्थ तल ब्लाक-ए नवा रायपुर म 15 फरवरी तक जमा कर सकत हें। आवेदक ल लिफाफा के ऊपर 'स्व. श्री बिसाहूदास मंहत सर्वश्रेष्ठ बुनकर पुरस्कार योजना साल 2014-15 अउ 2015-16' संग अपन नाम अउ पूरा पता लिखना अनिवार्य हावय।




style="display:block"
data-ad-client="ca-pub-3208634751415787"
data-ad-slot="6745940556"
data-ad-format="auto">

Post a Comment

0 Comments