साइको किलर उदयन के रिमांड खतम





रायपुर। साइको किलर उदयन ल आज रायपुर कोर्ट मं पेश करे गीस। कोर्ट हर रिमांड के समय खतम होए के बाद ओला बंगाल ले जाय के अनुमति दे दीस। काल मंगलवार को ओला बंगाल लेजहीं। उदयन हर अपन माता-पिता अऊ प्रेमिका के कतल कर दे रहिस हे। ए मामला मं प्रेमिका के हत्या के मामला बांकुड़ा पुलिस तीर हे। एखरे सेती उदयन ल बांकुड़ा ले जाए जाही। ओखर माता-पिता के हत्या अऊ ओखर ले जुरे दूसर मामला मन के बारे मं रायपुर पुलिस हर ओला रिमांड म ले रहिस हे। रिमांड के बरेा खतम होए के बाद आज ओला कोर्ट मं पेश करे गीस। रायपुर पुलिस हर दुबारा ओखर रिमांड नइ मांगीस। अब बांकुड़ा पुलिस आगू के कार्रवाई करही। उदयन के अपन माता-पिता के हत्या कर बैंक ले फर्जी तरीका ले ओखर पेंशन निकाले के अऊ रायपुर के मकान ल पावर ऑफ अटार्नी देके बेचें के मामला के जांच म राईपुर पुलिस अपन फोकस करही।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments