‘स्मार्ट पुलिसिंग’ के संग ‘स्मार्ट हाऊसिंग’ म घलोक सुजान हावय छत्तीसगढ़ पुलिस





पुलिस जवान मन बर दस हजार मकान के निर्माण शुरू
अब तक साढ़े तीन हजार से जादा मकान तैयार
मुख्यमंत्री हर करिस ‘सरदार वल्लभ भाई पटेल आवासीय परिसर’ संग 7.31 करोड़ के चार कार्य मन के लोकार्पण
डॉ. सिंह हर के पुलिस हाऊसिंग कार्पोरेशन के कार्य मन के सराहना

रायपुर, 07 फरवरी 2017। मुख्यमंत्री डॉ. रमन सिंह हर कहिन कि छत्तीसगढ़ पुलिस ‘स्मार्ट पुलिसिंग’ के संग ‘स्मार्ट हाऊसिंग’ के काम घलोक कुशलता के संग करत हे अउ ‘स्मार्ट सिटी’ के विकास म घलोक योगदान देवत हे। डॉ. सिंह हर आज रात इहां विधानसभा मार्ग के किनारे पुलिस परिवार मन बर निर्मित सरदार वल्लभ भाई पटेल आवासीय परिसर के लोकार्पण करत करत ए आशय के विचार व्यक्त करिन।


उमन कहिन के राज्य सरकार पुलिस जवान मन अउ ऊंखर परिवार मन ल बेहतर मकान के सुविधा दिलाने के हर संभव प्रयास करत हे। एही कड़ी म दस हजार मकान के निर्माण के योजना म अमल शुरू हो गउ हे। एखर अंतर्गत लगभग एक हजार करोड़ रूपया के लागत से सब्बो 27 जिलों म छह हजार मकान के निर्माण युद्ध स्तर म करे जावत हे। ये खुशी के बात हवय कि अब तक एमां ले 3600 मकान तैयार घलोक हो गए हावय। उल्लेखनीय हावय कि 48 मकान के ए कॉलोनी के निर्माण चार करोड़ 13 लाख रूपया के लागत से पुलिस हाउसिंग कार्पोरेशन ले करे गए हवय। हमर मंशा हवय कि दिन रात कड़ी मेहनत ले अपन ड्यूटी कदइया पुलिस जवान मन ल अपन परिवार मन के संग रहे बर बढि़या सुविधा ले परिपूर्ण मकान मिलय। डॉ. सिंह हर कहिन कि कइयोन शहर मन म मोला पुलिस कर्मी मन बर तीस-चालीस साल जुन्ना मकान के हालत देखके दुःख होवत रहिस। ओ मन ल अच्छा मकान दे बर राज्य सरकार हरकार्य योजना तैयार करे हवय।





डॉ. सिंह हर समारोह म ए परिसर के संग-संग राजधानी रायपुर म पुलिस हाऊसिंग कार्पोरेशन से थाना आजाद चौक आवासीय परिसर म अंदाजन 2 करोड़18 लाख रूपया के लागत ले अराजपत्रित अधिकारी मन बर निर्मित 18 मकान सहित पचास-पचास लाख रूपया के लागत ले निर्मित सेजबहार अउ खमतराई थाना भवन मन के घलोक लोकार्पण करीस। अंदाजन 6600 वर्ग मीटर म स्थित सरदार वल्लभ भाई पटेल आवासीय परिसर म एक सुघ्‍घर बगैचा अउ एक मंदिर के निर्माण घलोक करे गउ हे। समारोह म कृषि अउ जल संसाधन मंत्री श्री बृजमोहन अग्रवाल, संसदीय सचिव श्री लाभचंद बाफना, छत्तीसगढ़ पाठ्य पुस्तक निगम के अध्यक्ष श्री देवजी भाई पटेल, विधायक द्वय श्री सत्यनारायण शर्मा अउ श्री श्रीचंद सुन्दरानी, रायपुर विकास प्राधिकरण के अध्यक्ष श्री संजय श्रीवास्तव, बीरगांव नगर निगम के महापौर श्रीमती अम्बिका यदु अउ गृह विभाग के प्रमुख सचिव श्री बी.व्ही.आर. सुब्रमण्यम विशेष अतिथि के रूप म समारोह म उपस्थित रहिन। मुख्यमंत्री हर ए अवसर म कहिन कि पुलिस लाईन म पुलिस कर्मचारी मन बर तीस से चालीस साल जुन्ना आवासों ल देखके तकलीफ होवत रहीस। पुलिस जवान हर परिस्थिती म 24 घंटा अपन कर्त्तव्य म मुस्तैदी के संग तैनात रहिथे, जवान मन ल बेहतर परिवेश म बेहतर आवासीय सुविधा देवाए खातिर साल 2011 म पुलिस हाऊसिंग कार्पोरेशन के गठन करे गीस। पुलिस हाऊसिंग कार्पोरेशन हर दृढ़ निश्चय के संग तत्परता ले गुणवत्तापूर्ण आवास मन के निर्माण करा के कमाल करिसय। तकनीकी विशेषता वाले ए काम म घलोक पुलिस हर अपन कुशलता के परिचय दे हावय। उमन कहिन कि हमार जवान मन हर 155 थाना अउ बस्तर के दूरस्थ अउ नक्सल प्रभावित क्षेत्र म इंजरम-भेज्जी अउ दोरनापाल-जगरगुण्डा तक सड़क के निर्माण करे म अभूतपूर्व योगदान दे हावय। लगभग 157 करोड़ रूपया के लागत से 48 किलोमीटर लंबा एखर सड़क के निर्माण म दो जवान मन शहादत हो गईन, आठ जवान घायल होइन अउ एक नागरिक के मृत्यु हो गीस। मुख्यमंत्री हर कहिन कि ये सड़क, दुनों म शहादत देवइया जवान मन ल समर्पित हावय। घोर नक्सल प्रभावित क्षेत्र के गांव मन के ए सड़कों ले जुड़े ले उहां के जनजीवन म बड़ा बदलाव आउ हवय।


पुलिस महानिदेश श्री ए.एन उपाध्याय हर स्वागत भाषण दीन। विशेष पुलिस महानिदेशक अउ पुलिस हाऊसिंग कार्पोरेशन के प्रबंध निदेशक श्री डी.एम. अवस्थी हर बताइस कि कार्पोरेशन ले प्रदेश म पाछू चार साल म अंदाजन 196 करोड़ रूपया के लागत ले 155 थाना मन अउ 305 करोड़ रूपया के लागत से पुलिस कर्मचारी मन बर 3600 मकान के निर्माण करे गए हे। पुलिस महानिरीक्षक श्री प्रदीप गुप्ता हर आभार प्रकट करिन। मुख्यमंत्री ह ए अवसर म नवनिर्मित आवास मन के चाबी रायपुर पुलिस अधीक्षक डॉ. संजीव शुक्ला ल सौंपीन। ए अवसर म बहुत अकन वरिष्ठ अधिकारी घलोक उपस्थित रहिन।





Post a Comment

0 Comments