छत्तीसगढ़ ले ए बछर 388 मनखे जाही हज यात्रा म





रायपुर, 20 मार्च 2017। ए बछर छत्तीसगढ़ ले 388 मनखे हज यात्रा बर जाहीं। सनिवार को राज्य के अल्पसंख्यक विकास मंत्री केदार कश्यप हर ‘छत्तीसगढ़ हज कमेटी’ कोति ले आयोजित कार्यक्रम म लॉटरी निकालके हज यात्रा बर जवइया मनखे मन के नांव मन के ऐलान करिन।
कश्यप हर कहिन कि हज यात्री मन ल यात्रा के जम्‍मो प्रशिक्षण बर राज्य हज कमेटी ले ‘हज गाईड एप’ तैयार करे जावत हावय। एला लउहे हज यात्री मन ल देहे जाही। ए एप के माध्यम ले हज यात्री, यात्रा के पूरा जानकारी अपन मोबाईल ले पा सकहीं। ए एप ले हज यात्री मन ल हिन्दुस्ताने म नहीं भलुक सउदी अरब म घलोक आसानी होही।
राज्य हज कमेटी कोति ले बताय गइस कि साल 2017 के यात्रा बर साल 2011 के जनसंख्या के अनुसार छत्तीसगढ़ ल केन्द्रीय हज कमेटी ले 388 सीट मिलीस हावय। एमां 252 सीट आरक्षित श्रेणी म हावय। ए रिजर्व सीट ल घटाके 136 सीट मन बर लॉटरी निकाले गइस। बांचे आवेदक मन ल प्रतीक्षा सूची म रखे गए हावय।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments