अंतर्राष्ट्रीय महिला दिवस मा भिलाई के स्मिता राष्ट्रपति के हाथ ले सम्मानित

नई दिल्ली म बुधवार के राष्ट्रपति प्रणव मुखर्जी हा भिलाई के स्मिता तांडी ला घलो नारी शक्ति पुरुस्कार ले सम्मानित करिस। स्मिता छत्तीसगढ़ पुलिस म कार्यरत हावय। ओहा जीवनदीप समूह बनके जरुरतमंद मन ला इलाज करवाय के अब्बड़ सुघ्घर कारज करत हावय। भारत सरकार महिला मन के उपलब्धि अउ योगदान म धियान दे के परतीष्ठित महिला अउ संसथान ला नारी शक्ति पुरूस्कार देवत हे।
स्मिता तांडी जीवनदीप समूह बनाके जरुरतमंद मन के इलाज करवावत हे। स्मिता के ७ लाख ले आगर फेसबुक म पसंद करइया/जनइया हावय। स्मिता के कहना हे कि, ओला ए बात के गरब होथे कि वो हर जइसन ढंग ले जरूरतमंद अउ गरीब मन के मदद करत हे, ओमा अउ मनखे मन ओकर साथ देवत हे। वो हर फेसबुक के ओखी जन जन ला मदत करत हे।
@गुरतुर गोठ बर ईश्वर साहू के रिपोर्टिंग

Post a Comment

0 Comments