मुख्य सचिव हर करिस प्रधानमंत्री उज्ज्वला योजना के समीक्षा

राज्य मं अब तक 9.18 लाख ले जादा रसोई गैस कनेक्शन बांटे गईस






रायपुर, 04 मार्च 2017। प्रधानमंत्री उज्ज्वला योजना के तहत प्रदेश मं अब तक नौ लाख 18 हजार 688 महिला मन ल रसोई गैस कनेक्शन बांटे गए हे। ये जानकारी मुख्य सचिव श्री विवेक ढांड के अध्यक्षता मं आज इहां मंत्रालय (महानदी भवन) मं आयोजित बैठक मं खाद्य विभाग के सचिव श्रीमती ऋचा शर्मा हर दीन। उमन बताइन कि प्रधानमंत्री उज्जवला योजना के शुरूआत राज्य मं 13 अगस्त 2016 करे गीस हे। चालू वित्तीय साल 2016-17 बर राज्य मं 10 लाख गैस कनेक्शन बांटे के लक्ष्य रखे गीस हे। आगामी वित्तीय साल 2017-18 बर 15 लाख गैस कनेक्शन बांटे के लक्ष्य निरधारित करे गए हे।




बैठक मं मुख्य सचिव हर रसोई गैस के बॉटलिंग क्षमता अऊ राज्य के दुर्गम क्षेत्र मन मं रसोई गैस कनेक्शन वितरण के समीक्षा करिन। उमन दुर्गम क्षेत्रों मं आवश्यकतानुसार जल्‍दी रसोई गैस वितरक नियुक्त करे के निर्देश दीन। बैठक मं पंजीयक सहकारी संस्थाएं श्री जे.पी. पाठक हर बताइस कि दुर्गम क्षेत्र मन मं 50 गैस वितरक केन्द्र के भवन-निर्माण कराए जावत हे। एखर अलावा 92 नवा गैस वितरक केन्द्र भवन के निर्माण प्रस्तावित हे। मुख्य सचिव हर निर्माणाधीन भवन मन ल लउहे पूरा कराए के निर्देश दीन। बैठक मं प्रमुख सचिव राजस्व श्रीमती रेणु पिल्ले, सचिव खनिज साधन श्री सुबोध सिंह, सचिव सहकारिता श्री डी.डी. सिंह, विशेष सचिव वित्त डॉं. कमलप्रीत सिंह अउ संचालक खाद्य श्री एन.एन. एक्का संग श्रम, वन, एन.आई.से. अउ कइ ऑयल कंपनियों के अधिकारी उपस्थित रहिन।


Post a Comment

0 Comments