वायु प्रदूषण रोके खातिर चलत हे विशेष अभियान

मुख्यमंत्री अऊ मुख्य सचिव हर कराइस अपन वाहन मन के जांच






रायपुर, 18 मार्च 2017। राजधानी रायपुर मं वाहन मन के प्रदूषण के जांच बर चलाए जात अभियान के तहत आज इहां मुख्यमंत्री डॉ. रमन सिंह के निवास परिसर मं ऊंखर वाहन संग ऊंखर काफिला के सब्बो वाहन मन के जांच करे गीस। मुख्यमंत्री हर जम्‍मो नागरिक मन से अपन-अपन वाहन के ए प्रकार के जांच करवाए के अपील करिन। उमन कहिन कि शहर मं वायु प्रदूषण ल कम करे के कई ठन उपाय मन मं सहयोग देना हम सबके नीजी अऊ सामाजिक जिम्मेदारी हे। एही कड़ी मं मुख्य सचिव श्री विवेक ढांड हर घलोक आज अपन वाहन के जांच करवाइस। आप मन जानतेच होहू कि शहर मं चलाए जात ए अभियान के तहत जिला प्रशासन ह चरणबद्ध तरीके ले वाहन मन के जांच करवावत हे। ए महीना के 25 तारीक ले मालवाहक वाहन मन के घलोक पीयूसी सर्टिफिकेट के जांच करे जाही। एक अपरेल ले शहर मं तीन पहिया अऊ चार पहिया गाड़ि मन के अउ 8 अपरेल ले दू पहिया वाहन मन के पीयूसी प्रमाण पत्र के तकनीकी जांच शुरू करे जाही। जिला प्रशासन हर कल इतवार को घलोक जम्‍मो वाहन के प्रदूषण जांच केन्द्र मन ल खोले रखे के निर्देश दे हावे। शहर मं अभी हाल मं 47 पीयूसी जांच केन्द्र संचालित होवत हे।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments