बुद्ध पूर्णिमा म बौद्ध समाज के कार्यक्रम मं पहुंचिन मंत्री बृजमोहन अग्रवाल

भगवान् बुद्ध के संदेश के करव अनुशरन : बृजमोहन







रायपुर, 10.05.2017। बुद्ध पूर्णिमा के अवसर म बौद्ध विहार देवेन्द्र नगर मं आयोजित कार्यक्रम मं प्रदेश के कृषि अउ सिंचाई मंत्री बृजमोहन अग्रवाल हर कहिस कि आज दुनियां जऊन दिशा म जावत हे, उहां अशांति के अलावा कुछू नइ हे। अइसन मं भगवान बुद्ध के संदेश धरती वासी मन के जीवन मं सुख, शांति अऊ समृद्धि लाय मं सहायक होही। भगवान बुद्ध अवतारी पुरुष रहिन। हिन्दू अऊ बौद्ध धर्म दुनों म भगवान् बुद्ध पूजनीय हे। अऊ दुनों धर्म ऊंखर बताये रस्‍ता म चले के प्रेरणा देथे।
ए अवसर म मंत्री बृजमोहन अग्रवाल अउ विधायक श्रीचंद सुंदरानी ह बौद्धविहार मं स्थापित तथागत भगवान् बुद्ध के प्रतिमा के आघू मोमबत्ती जलाके पुजा-अर्चना करिन, ओकर बाद पुस्‍तकालय के शुभारंभ करिन।
ए अवसर म बृजमोहन अग्रवाल हर कहिस कि भगवान् बुद्ध के प्रमुख कर्म क्षेत्र भारत देश रहे हे। इन्‍हें ले पूरा दुनियां मं बौद्धिज़्म के ख्याति फैले हे। बहुत अकन देश हे जऊन बौद्धधर्म ल मानथें। अइसन देश मन से आज हमर निकटता बाढ़त जात हे काबर कि भगवान् बुद्ध के सन्देश के अनुशरण हमार प्रधानमंत्री खुदे करथे अऊ दुनियां ये देखत हे।
उमन कहिन कि आज जरूरत हे कि कमजोर के हाथ थामके ओला आगू बढ़ाए जाय। जऊन सक्षम हे ओ मन अपन समाज के कमजोर लोगन के ध्यान रखंय। काबर कि समाज अऊ धर्म ही आपके-हमार पहिचान हे। अऊ हमर धर्म नेकी के रस्‍ता म चले के प्रेरणा देथे।
ए अवसर म विधायक श्रीचंद सुंदरानी, त्रीशरण विकास समिति के अध्यक्ष टीएल इंगले, मंडल भाजपा अध्यक्ष कमलेश शर्मा, दिलीप सारथी, सुनील वांद्रे, किरण सारथी आदि उपस्थित रहिन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">

Post a Comment

0 Comments