दंतेवाड़ा के नम्रता के IAS म चयन होए म मुख्यमंत्री दीन बधाई

[responsivevoice_button voice="Hindi Female" buttontext="ये खबर ला सुनव"]





रायपुर, 31 मई 2017। मुख्यमंत्री डॉ. रमन सिंह हर राज्य के नक्सल हिंसा पीड़ित दंतेवाड़ा जिला के गीदम निवासी होनहार छात्रा कुमारी नम्रता जैन के संघ लोक सेवा आयोग (यूपीएससी) के घोषित आखरी चयन सूची मं 99वां रैंक मिले म हार्दिक बधाई देहे हें। नम्रता के चयन आईएएस बर हो गए हे। मुख्यमंत्री ह आज जापान के ओसाका शहर ले जारी बधाई संदेश मं कहे हे कि नम्रता के ये उपलब्धि दंतेवाड़ा संग पूरा बस्तर संभाग के युवा मन बर प्रेरणादायक हे। मुख्यमंत्री हर कहिस - मोर ये सपना रहिस कि दंतेवाड़ा जइसे आदिवासी बहुल पिछड़ा जिला ले घलोक हमार युवा संघ लोक सेवा आयोग के कठिन परीक्षा मं शानदार कामयाबी हासिल करंय अऊ आई.ए.एस., आईपीएस अउ आईएफएस जइसे अखिल भारतीय सेवा मन मं कलेक्टर, एस.पी. जइसे वरिष्ठ अधिकारी बनके जनता के सेवा करव। नम्रता ह मोर ए सपना ल साकार कर दीस। मुख्यमंत्री हर इंजीनियरिंग स्नातक नम्रता जैन संग ऊंखर पिता श्री झंवरलाल जैन अऊ माता श्रीमती किरण जैन अऊ ऊंखर जमो परिजन मन ल बधाई देहे हें। डॉ. सिंह हर नम्रता के उज्ज्वल भविष्य के कामना करे हें अऊ कहे हें कि नम्रता ह 99वां रैंक हासिल करे हे अऊ अब ओ ह भारतीय प्रशासनिक सेवा (आईएएस) के अधिकारी बनही। डॉ. सिंह हर कहिस-ये अऊ घलोक प्रसन्नता के विसय हे कि नम्रता ह दंतेवाड़ा मं जिला प्रशासन कोति ले संचालित लक्ष्य कोचिंग संस्था मं घलोक अध्ययन करे हे। यूपीएससी के इंटरव्यू के पहिली वो ह ए संस्था मं एक महीना तक कोचिंग लेहे हे। आप मन ल बता दन कि दंतेवाड़ा मं संचालित ए कोचिंग संस्था के शुभारंभ अंदाजन चार साल पहिली मुख्यमंत्री डॉ. रमन सिंह ह करे रहिस। अभी हाल मं ए संस्था मं अंदाजन 500 युवा मन ल कई ठन प्रतियोगी परीक्षा मन के कोचिंग देहे जात हे, जेमा संघ लोक सेवा आयोग, छत्तीसगढ़ लोक सेवा आयोग अऊ जेईई जइसे प्रतियोगी परीक्षा मन के कोचिंग सामिल हे।








Post a Comment

0 Comments