अमृत मिशन म 210 करोड़ के जल आवर्धन योजना जल्दी पूरा होही: डॉ. रमन सिंह

अवइया 20 साल तक राजनांदगांव शहर ल नइ होवय पानी के दिक्‍कत: डॉ. रमन सिंह


रायपुर, 15 फरवरी 2018। मुख्यमंत्री डॉ. रमन सिंह ह कहिन कि जिला मुख्यालय राजनांदगांव म अमृत मिशन के तहत 210 करोड़ रूपिया के लागत के जल आर्वधन योजना के निर्माण जल्दी पूरा होही। एखर बन जाय म राजनांदगांव शहर के मनखे मन ल बिना कोनो रोक के कतकोन नहीं त 20 बछर तक पेयजल अऊ ऊंखर दैनिक उपयोग बर पानी मिलत रहिही। ए प्रोजेक्ट के निर्माण युद्ध स्तर म जारी हे।
मुख्यमंत्री डॉ. सिंह कल महाशिवरात्रि के अवसर म उहां जनता कालोनी लखोली म सर्वसुविधायुक्त उद्यान अउ कई ठन विकास काम मन के लोकार्पण अउ भूमिपूजन समारोह ल सम्बोधित करत रहिन। उमन उद्यान अऊ उहां निर्मित व्यायामशाला के घलोक लोकार्पण करिन। एला मिलाके मुख्यमंत्री ह जनता कालोनी लखोली म सड़क निर्माण संग करीबन एक करोड़ रूपिया के कई ठन निर्माण कार्य के लोकार्पण, भूमिपूजन अऊ शिलान्यास करिन। मुख्यमंत्री डॉ. सिंह ह राजनांदगांव शहर ल सर्वसुविधा संग आदर्श शहर के रूप म विकसित करे बर सांसद श्री अभिषेक सिंह अउ महापौर श्री मधुसदून यादव कोति ले करे जात काम के तारीफ करिन। उमन कहिन कि इंखर उदीम मन ले मुख्य शहर के अलावा शहर के कई ठन वार्ड मन के भीतर 21 आंगनबाड़ी मन के मरम्मत बर 2 करोड़ 21 लाख रूपिया मंजूर करे गए हे।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">


लोकसभा सांसद श्री अभिषेक सिंह ह कहिन - मोर गोठ के बेरा म ही मैं लइका मन ल गार्डन कोति इठलात, झुमत खेलत देखत हंव। लइका मन के चेहरा म जऊन मुस्कान आए हे, वो हमर सबले बड़े उपलब्धि हे। महापौर श्री मधुसूदन यादव ह घलोक समारोह ल सम्बोधित करिन। ए अवसर म राज्य समाज कल्याण बोर्ड के अध्यक्ष श्रीमती शोभा सोनी, राज्य भंडारगृह निगम के अध्यक्ष श्री नीलू शर्मा, राज्य उर्दू अकादमी के अध्यक्ष श्री अकरम कुरैशी, 20 सूत्रीय कार्यक्रम क्रियान्वयन समिति के उपाध्यक्ष श्री खूबचंद पारख, विधायक डोंगरगढ़ श्रीमती सरोजनी बंजारे, जिला सहकारी केन्द्रीय बैंक के अध्यक्ष श्री सचिन बघेल, राज्य गृह निर्माण मंडल के सदस्य श्री नरेश डाकलिया, राज्य महिला आयोग के सदस्य डॉ. लकीर मेश्राम, राजगामी संपदा न्यास के अध्यक्ष श्री रमेश पटेल संग बहुत अकन वरिष्ठजन समारोह म उपस्थित रहिन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments