मुख्यमंत्री के अध्यक्षता म मंत्रि परिषद के बैठक

बेमौसम बारिश अऊ ओलावृष्टि प्रभावित किसान मन ल जल्दी मिलही मुआवजा


रायपुर, 15 फरवरी 2018। मुख्यमंत्री डॉ. रमन सिंह के अध्यक्षता म आज विधानसभा परिसर स्थित मुख्य समिति कक्ष म मंत्रि परिषद के बैठक आयोजित करे गीस। मुख्यमंत्री ह बैठक म प्रदेश के कुछ जिला मन म हालेच म होए बेमौसम बारिश अऊ ओलावृष्टि ले प्रभावित किसान मन ल राजस्व पुस्तक परिपत्र (आरबीसी) 6-4 के तहत मुआवजा वितरण जल्दी ले जल्दी करे के निर्देश राजस्व विभाग ल दीन। उमन राजस्व विभाग ल कहिन कि फसल क्षति के सर्वेक्षण जल्दी पूरा करके मुआवजा देहे के कार्रवाई सुनिश्चित करे जाय। बैठक म लेहे गए निर्णय के अनुसार प्रधानमंत्री गृह योजना-सबके लिए घर (शहरी) मिशन के तहत स्वीकृत अऊ प्रस्तावित परियोजना मन के क्रियान्वयन बर राज्यांश राशि के प्रतिपूर्ति बर करीबन 3357 करोड़ रूपिया के ऋण प्राप्त करे जाही। ये ऋण राज्य शहरी विकास अभिकरण कोति ले 20 बछर बर लेहे जाही। ऋण अवधि साल 2017-18 ले 2036-37 तक होही।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments