राजिम कुंभ के आठवां दिन बनिस विश्व कीर्तिमान : तीन लाख दीया ले अंजोर होइस त्रिवेणी संगम

रायपुर, 07 फरवरी 2018। महानदी, पैरी अऊ सोंढूर नदिया मन के पवित्र संगम म चलत 15 दिवसीय राजिम कुंभ के आठवां दिन आज नदिया मन के संरक्षण अऊ मानव कल्याण के भावना के संग श्रद्धालु मन ह करीबन तीन लाख दीया जलाके एक नवा विश्व कीर्तिमान स्थापित करे गीस। मुख्यमंत्री डॉ. रमन सिंह संग सबो वरिष्ठजन मन ह एखर प्रशंसा करिन। आप मन ल बता देवन कि माघ पून्‍नी ले चालू एक पाख के ये परम्परागत विशाल मेला महाशिवरात्रि तक चलही। मेला के आठवां दिन आज तीन लाख दीया मन के अंजोर ले त्रिवेणी संगम म उपस्थित साधु-संत मन संग लाखों श्रद्धालु ए ऐतिहासिक बेरा के गवाह बनिन।




हल्का बूंदा-बांदी के बीच संझा कुन छत्तीसगढ़ के ढाई करोड़ ले जादा जनता के तरफ ले ये दीया बारे गीस। मेला म 28 सेक्टर बनाके साधु-संत मन के संगें-संग स्कूल-कॉलेज मन के पढ़ईया लईका मन, आम नागरिक मन, कई ठन संस्था मन के प्रतिनिधि मन अऊ सरकारी अधिकारी मन अउ कर्मचारी मन ह दीया बार के नदिया मन के संरक्षण अऊ विश्व मानव कल्याण बर अपन भावना मन के इजहार करिन। धार्मिक न्यास अउ धर्मस्व मंत्री श्री बृजमोहन अग्रवाल अऊ सचिव श्री सोनमणि बोरा ह गरियाबंद जिला प्रशासन अऊ राजिम के स्थानीय जनता के सहयोग ले ये आयोजन करिन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments