मुख्यमंत्री ह करिस चेट्रीचंड्र महोत्सव के पोस्टर के विमोचन

रायपुर, 16 फरवरी 2018। मुख्यमंत्री डॉ. रमन सिंह ले आज इहां विधानसभा परिसर स्थित ऊंखर कक्ष म श्री झूलेलाल नवयुवक संघ रायपुर के प्रतिनिधि मंडल ह विधायक श्री श्रीचंद सुंदरानी के नेतृत्व म सौजन्य मुलाकात करिन। उमन मुख्यमंत्री ल बताइन कि राजधानी रायपुर म नवयुवक संघ कोति ले अवइया महिना के 11 तारीक के दिन सांस्कृतिक संध्या ‘चेट्रीचंड्र महोत्सव’ के आयोजन करे जात हे। जेमां सुप्रसिद्ध सिंधी गायक मन कोति ले रंगारंग प्रस्तुति दे जाही। प्रतिनिधि मंडल ह मुख्यमंत्री ल ए कार्यक्रम म मुख्य अतिथि के रूप म सामिल होए के आमंत्रण घलोक दीन। मुख्यमंत्री ह आयोजन के सफलता बर शुभकामना देवत आमंत्रण बर धन्यवाद दीन। मुख्यमंत्री ह ए अवसर म चेट्रीचंड्र महोत्सव के पोस्टर के विमोचन घलोक करिन। प्रतिनिधि मण्डल म श्री अनिल जोतसिंघानी संग संघ के बहुत अकन पदाधिकारी अऊ सदस्य सामिल रहिन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments