कांग्रेस सदस्य मन ह गृह मंत्री के जवाब ले रिसा के सदन ले बाहिर निकल गीन

रायपुर, 08.02.2018। छत्तीसगढ़ विधानसभा म आज कांग्रेस सदस्य मन ह पुलिस म दर्ज मामला मन ल न्यायालय म चालान पेश करइ के संबंध म गृह मंत्री रामसेवक पैकरा के जवाब ले रिसा के नारा लगाइन अऊ सदन ले बाहिर निकल गीन।
प्रश्नोत्तरकाल म भाजपा सदस्य अवधेश सिंह चंदेल ह बेमेतरा विधानसभा क्षेत्र म दर्ज होए 205 आपराधिक प्रकरन मन के न्यायालय म चालान भेजे के अवधि के बारे म गृह मंत्री रामसेवक पैकरा ले जानकारी मांगिस। पैकरा ह कहिन कि ये सरलग काम ये, पुलिस जांच करके चालान पेश करथे। उमन चालान पेश करे के बेरा बताय ले इंकार करिन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">


चंदेल ह कहिन कि चालान पेश करे म देरी करे जाही त अपराध कइसे ररूकही। इही बीच कांग्रेस सदस्य संत कुमार नेताम ह कहिन कि उमन तीन साल पहिली कोण्डागांव म एक प्राथमिकी दर्ज करवाए रहिन अऊ कार्रवाई बर गृह मंत्री मेर व्यक्तिगत रूप ले मिले घलोक रहिन फेर तीन साल बाद घलोक कोनो कार्रवाई नइ होइस। उमन कहिन कि विधायक के दर्ज करवाए प्राथमिकी म जब तीन साल म कोनो कार्रवाई नइ होवय त आम मनखे के का हाल होत होही अपने आप समझे जा सकत हे।
विधायक नेताम के ए बात ल सुने के बाद कांग्रेस के सदस्य मन बगिया गंए। वरिष्ठ कांग्रेस सदस्य सत्य नारायण शर्मा ह कहिन कि 2015 म दर्ज प्राथमिकी उपर कार्रवाई आज तक नइ होवत हे जबकि सदस्य अउ गृह मंत्री दूनो आदिवासी वर्ग के यें। सभापति ह बात ल समझाए के उदीम करिन वोती कांग्रेस विधायक दल के उप नेता कवासी लकमा ह कहिन कि चालान भेजे के कोनो समय सीमाच नइ हे। एही बीच म लोक निर्माण मंत्री राजेश मूणत ह कहि दीस के शर्मा अउर लकमा म नेता कोन हे एखर लड़ाई हे। मंत्री पैकरा ह फेर लहुटाईस के समय सीमा बताना संभव नइ हे। कांग्रेस सदस्य मन ह एखर बाद नारेबाजी करत सदन ले बाहिर निकल गंए।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments