मुख्यमंत्री डॉ. रमन सिंह के बड़का घोषणा

मुख्यमंत्री ह प्रदेश के पंचायत प्रतिनिधि मन ले मुलाकात के बखत करिस घोषणा, सरपंच प्रतिनिधिमंडल ह मुख्यमंत्री के आभार व्यक्त करिस।

रायपुर, 04 फरवरी 2018। मुख्यमंत्री डॉ. रमन सिंह ह आज संझा इहां अपन निवास म प्रदेश भर ले आए सरपंच मन ले मुलाकात के बेरा राज्य शासन के छत्तीसगढ़ संचार क्रांति योजना (स्काई) बर ग्राम पंचायत मन के 14 वें वित्त आयोग के राशि नइ लेहे के घोषणा करिन।
मुख्यमंत्री डॉ. सिंह ह कहिन कि राज्य शासन के लक्ष्य प्रदेश के आखरी मनखे तक मोबाईल अऊ इन्टरनेंट कनेक्टिविटी देवाए के हे। एखर खातिर स्काई योजना शुरू करे गए हे, जेखर अन्तर्गत प्रदेश के 56 लाख परिवार ल स्मार्ट फोन दे जाही। एखर बर प्रदेश के दूरस्थ अंचल मन म चउदा सौ मोबाईल टॉवर लगाए जावत हे।

Post a Comment

0 Comments