छत्तीसगढ़ बाल अधिकार संरक्षण आयोग के अध्यक्ष ह आज बाल सम्प्रेषण गृह दुर्ग के करिस जांच

लइका मन के सुरक्षा, शिक्षा अऊ स्वास्थ्य के इंतज़ाम दुरुस्त करे बर अधिकारी मन ल दीन कड़ा निर्देश


रायपुर, 09 फरवरी, 2018। छत्तीसगढ़ बाल अधिकार संरक्षण आयोग के अध्यक्ष श्रीमती प्रभा दुबे ह आज दुर्ग के बाल सम्प्रेषण गृह ले 7 लइका मन के भाग जाय के मामला ल तुरंते संज्ञान म लेत आज पुलगांव स्थित बाल संप्रेषण गृह के निरीक्षण करिस। श्रीमती दुबे ह जिला कलेक्टर ल ए मामला के जांच रिपोट छत्तीसगढ़ बाल अधिकार संरक्षण आयोग लदेहे बर कहिन। उमन बाल सम्प्रेषण गृह के प्रभारी अधिकारी मन ल निर्देश दीन कि एखर जइसे घटना के कारन के तह तक पहुंचे के उदीम करव अऊ फेर ओखर समाधान करव ताकि भविष्य म अइसन घटना के पुनरावृत्ति झन होवय।
उमन अधिकारी मन ल कड़ा निर्देश दीन कि ओ मन बाल सम्प्रेषण गृह म शिक्षा, स्वास्थ्य, सुरक्षा के सबो इंतज़ाम दुरुस्त करंय। ताकि लइका मन ल बेहतर वातावरण मिल सकय। श्रीमती दुबे ह ए दौरान बाल संप्रेषण गृह के लइका मन ले मुलाकात घलोक करिन अऊ उंखर से समस्या पूछिंन। श्रीमती दुबे ह लइका मन ल आश्वासन दीन कि उंखर सुरक्षा अऊ समस्या मन के निदान बर छत्तीसगढ़ बाल अधिकार संरक्षण आयोग प्रतिबद्ध हे, ये खातिर ओ मन अपन मन के बात अऊ समस्या मन के बारे म उंखर से बात कर सकत हें। ए दौरान ऊंखर संग आयोग के सदस्य श्री अंकित ओझा अऊ श्रीमती मीनाक्षी तोमर, दुर्ग के जिला महिला बाल विकास अधिकारी श्रीमती गुरप्रीत कौर हूरा, प्रभारी जिला बाल संरक्षण अधिकारी श्री अभिषेक त्रिपाठी घलोक मौजूद रहिन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments