मुख्यमंत्री ह जनता ल दीस होली के बधाई

रायपुर, 28 फरवरी 2018। मुख्यमंत्री डॉ. रमन सिंह ह जनता ल रंगपर्व होली के हार्दिक बधाई अऊ शुभकामना देहे हें। उमन कहिन के हमर भारतीय संस्कृति म रंग के ये तिहार सबो मनखे मन बर उछाह अऊ उमंग के संग सामाजिक समरसता, प्रेम अऊ सद्भावना के संदेश लेके आथे। डॉ. सिंह ह आज इहां जारी बधाई संदेश म लोगन मन ल होलिका दहन बर हरियर रूख—राई झन काटे के अपील करिन। उमन नागरिक मन ले ये घलोक आग्रह करे हें कि जनजीवन के सुरक्षा के दृष्टि ले बिजली के खंभा अऊ तार मन के तरी होली ण्न जलावंय। डॉ. सिंह ह मनखे मन ले रंग खेले के बेरा हानिकारक रसायन वाले रंग के उपयोग झन करे अऊ शराब अउ आन नशीला जिनिस ले परहेज करे के घलोक आग्रह करे हें। उमन कहिन-मोला भरोसा हे के छत्तीसगढ़ के शांत, सौम्य, शालीन अऊ समृद्ध परम्परा के जइसे होली के ये पर्व ए साल घलोक सद्भावनापूर्ण वातावरण म उछाह के संग मनाए जाही।
Photo: Dawn


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments