पंचायत प्रतिनिधि मन ह महानदी भवन के भ्रमण करके जानिन मंत्रालय के काम-काज

रायपुर. 09 मार्च 2018। हमर छत्तीसगढ़ योजना म अध्ययन प्रवास म आए पंचायत प्रतिनिधि मन ह आज नया रायपुर म मंत्रालय के भ्रमण करके उहां होवइया प्रशासकीय काम मन के बारे म जानिन-समझिन। पंच-सरपंच मन ह इहां मंत्री ब्लॉक, सचिव ब्लॉक, प्रशासनिक ब्लॉक अऊ एंसीलरी ब्लॉक के अवलोकन करिन। उमन पांचवा तल म स्थित मुख्यमंत्री डॉ. रमन सिंह के कार्यालय घलोक देखिन। मंत्रालय के अधिकारी मन ह ओ मन ल मंत्रालयीन काम मन अऊ प्रक्रिया मन के जानकारी दीन।
हमर छत्तीसगढ़ योजना के तहत तीन जिला मन के 439 पंचायत प्रतिनिधि दू दिन के अध्ययन भ्रमण म आज बिहनिया रायपुर पहुंचिन। एमां रायगढ़ के 174, बलौदाबाजार-भाटापारा के 151 अउ बिलासपुर के 114 पंच-सरपंच सामिल हें। आज अध्ययन यात्रा के पहिली दिन उमन नवा रायपुर म मंत्रालय, जंगल सफारी अऊ पुरखौती मुक्तांगन देखिन। उमन रायपुर के इंदिरा गांधी कृषि विश्वविद्यालय के भ्रमण कर उहां उन्नत खेती के तौर-तरीका मन ल देखिन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments