मुख्यमंत्री के निर्देश म विशेष अभियान शुरू

रायपुर, 22 मार्च 2018। सूखा प्रभावित किसान मन ल मुआवजा वितरण बर मुख्यमंत्री डॉ. रमन सिंह के निर्देश म राजस्व अऊ आपदा प्रबंधन विभाग ह युद्धस्तर म विशेष अभियान शुरू कर देहे हे। विभागीय अधिकारी मन ह आज इहां मंत्रालय म बताइन के पाछू साल खरीफ 2017 के बेरा प्रदेश के 27 म ले 21 जिला अल्पवर्षा के सेती सूखा ले प्रभावित होए रहिस।
राजस्व अऊ आपदा प्रबंधन विभाग के अधिकारी मन ह आज इहां बताइन कि मुख्यमंत्री के निर्देश के मुताबिक विभाग कोति ले जिला मन ल मुआवजा बांटे बर करीबन 609 करोड़ 70 लाख रूपिया के आवंटन जारी करे गए हे। ये राशि नौ लाख 50 हजार 452 प्रभावित किसान मन ल देहे जात हे। अब तक ये मां 435 करोड़ 49 लाख रूपिया के वितरण हो गए हे। मुआवजा वितरण बर आवंटन राजस्व पुस्तक परिपत्र 6-4 के प्रावधान के तहत संबंधित जिला कलेक्टर मन ल जारी करे गए हे। अधिकारी मन ह बताइन -मुख्यमंत्री के निर्देश हे कि कोनो सूखा प्रभावित किसान मुआवजा राशि ले वंचित नइ रहना चाही, एकर पूरा ध्यान रखे जाय। डॉ. सिंह ए दिन म चलत प्रदेश व्यापी लोक सुराज अभियान के तहत जिला मन के अपन दौरा अऊ समीक्षा बैठक मन म अधिकारी मन ले मुआवजा वितरण के प्रगति के जानकारी लेवत हें।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">

Post a Comment

0 Comments