मोर घर म तुरते बनावव शौचालय - मंत्री केदार कश्‍यप

काली के छूटे समाचार। काली नारायणपुर जिला के लोकप्रिय, सब के मयारू विधायक अउ प्रदेश के स्कूल शिक्षा मंत्री श्री केदार कश्यप लोक सुराज जनसंपर्क यात्रा के तहत नारायणपुर जिला म निकलिन। उमन नारायणपुर जिला के नारायणपुर, कुरुषनार, सुधापाल, गुंदुर अउ घोटिया ग्राम तक गईन। ए जनसंपर्क यात्रा म एकर शुरुआते ले नारायणपुर जिला के ग्रामवासी मन म अच्छा खासा उत्साह देखे ल मिलीस, काबर के ये ह मौक़ा रहिस अपन परिवार के सदस्‍य अपन केदार के पदयात्रा यात्रा के। कश्यप जी ह पदयात्रा के बेरा ग्राम वासी मन ले मुलाकात करिन अऊ उंखर से गोठ-बात करके, उंखर समस्या सुनिन अऊ समस्या मन के तुरंते समाधान घलोक करिन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">



नारायणपुर जिला के घोटिया गाँव म उहां के रीता बघेल ह श्री केदार कश्यप ल संकोच करत कहिस के 'भैया मोर घर म शौचालय नइ हे।' अतका सुनतेच मंत्री जी कहिस 'बहिनी तोर घर मे शौचालय बनही।' कश्‍यप जी ह तुरंते 12 हज़ार के राशि के घोषणा करिन। उमन अधिकारी मल ल येहू कहिन के 'ये मोर घर ये, अऊ मोर घर म शौचालय जल्दी से जल्दी बनना चाही।'
श्री केदार कश्यप ह गांव म सकलाए मनखे मन ल कहिन के इंहा नारायणपुर जिला म रहइया जम्‍मो माँ, बहन, भाई, पिता, मोर परिवार के हें अऊ उंखर हर समस्या मोर अऊ मोर भारतीय जनता पार्टी के हे। उंखर हर एक समस्या मन के समाधान भारतीय जनता पार्टी के छत्‍तीसगढ़ सरकार करत हे। ए यात्रा म बस्तर सांसद श्री दिनेश कश्यप अउ जिला अध्यक्ष श्री बैदूराम कश्यप घलोक सामिल रहिन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments