राज्यपाल श्री टंडन ले छत्तीसगढ़ बाल अधिकार संरक्षण आयोग के अध्यक्ष ह करिस सौजन्य भेंट

रायपुर, 16 मार्च 2018। राज्यपाल श्री बलरामजी दास टंडन ले आज इहां राजभवन म छत्तीसगढ़ राज्य बाल अधिकार संरक्षण आयोग के अध्यक्ष श्रीमती प्रभा दुबे के नेतृत्व म प्रतिनिधिमंडल ह सौजन्य मुलाकात करिन। उमन राज्यपाल ल छत्तीसगढ़ राज्य बाल अधिकार संरक्षण आयोग के गतिविधि मन के जानकारी दीन। संगेच आयोग के साल 2016-17 के प्रतिवेदन अऊ ब्रोशर भेंट करिन। राज्यपाल ह अध्यक्ष संग जम्‍मो सदस्य मन ल शुभकामना दीन अऊ कहिन कि ये उदीम करव कि आयोग कोति ले लइका मन के कल्याण बर होवत काम के जानकारी लइका मन ल घलव मिलय। एखर अलावा अभिभावक मन ल घलोक ये जानकारी देहे जाय कि ओ मन ल लइका के प्रति कइसे व्यवहार करना चाही अऊ लइका मन के पालन-पोषण कइसे करना चाही। ए अवसर म छत्तीसगढ़ राज्य बाल अधिकार संरक्षण आयोग के सदस्य श्री अंकित ओझा, श्रीमती मीनाक्षी तोमर, श्रीमती इंदिरा जैन, सुश्री टी.आर. श्यामा अऊ आयोग के सदस्य सचिव श्री नंदलाल चौधरी घलोक उपस्थित रहिन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments