पंचायत प्रतिनिधि मन ह देखिन रायपुर अऊ नया रायपुर

रायपुर, 14 मार्च 2018। हमर छत्तीसगढ़ योजना के तहत दू दिन के अध्ययन भ्रमण म राजधानी आए सरगुजा, बलरामपुर-रामानुजगंज, धमतरी अऊ मुंगेली के पंच-सरपंच मन ह रायपुर अउ नया रायपुर के बहुत अकन जघा मन के भ्रमण करिन। चारों जिला मन ले 623 पंचायत प्रतिनिधि अध्ययन भ्रमण म आए हें। एमां सरगुजा के 232, बलरामपुर के 156, धमतरी के 154 अउ मुंगेली के 81 पंच-सरपंच सामिल हें। पंचायत प्रतिनिधि मन के स्वास्थ्य परीक्षण बर हमर छत्तीसगढ़ योजना के आवासीय परिसर नवा रायपुर के उपरवारा के होटल प्रबंधन संस्थान म दू दिवसीय स्वास्थ्य शिविर आयोजित करे गीस। इहां उमन अपन खून, ब्लड प्रेशर अऊ आंखी के जांच कराईन। असामान्य ब्लड प्रेशर अऊ ब्लड शुगर वाले मन ल डॉक्टर मन ह दवई घलोक दीन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments