रपोटव रे रपोटव : 131 भ्रष्ट अफसर मन तीर मिलीस चार अरब 12 करोड़ के करिया कमाई

विधानसभा म सरकार हर कबूलिस कि भ्रष्टाचार म 5 साल के आंकड़ा चौकाने वाला हे




style="display:block"
data-ad-client="ca-pub-3208634751415787"
data-ad-slot="6745940556"
data-ad-format="auto">


रायपुर 28 फरवरी 2017। 5 साल म भ्रष्ट अफसर मन तीर ले चार अरब ग्यारह करोड़ तिरानवे लाख इकतीस हजार चार सौ पचहत्तर (4.11.93,31,472) रुपया के चल अचल संपत्ति के खुलासा होय हे अउ वो सिरिफ 131 अधिकारी तीर ले। ये चौकाने वाला आंकड़ा आज विधानसभा म सरकार के तरफ ले दे गीस। कांग्रेस विधायक मोतीलाल देवांगन के सवाल म सरकार के तरफ ले जवाब देहे गीस। उहां देहे गए सूची के मुताबिक एसीबी अउ इओडब्ल्यू ल अब तक के जांच म सबले जादा संपत्ति बिलासपुर के जल संसाधन विभाग के कार्यपालन अभियंता आलोक अग्रवाल तीर मिले हे। ओखर तीर ले अब तक 19 करोड़ 59 लाख के संपत्ति मिले हे। उहें कवर्धा के अनुविभागीय अधिकारी राजेश कुमार गुप्ता तीर सात करोड़ 27 लाख के संपत्ति के पता चले हावय। जांजगीर के वन परिक्षेत्रक अधिकारी शत्रुघ्न प्रसाद कौशिक तीर ले 6 करोड़ 63 लाख अउ रायपुर के सहायक यंत्री अजय कुमार गुप्ता तीर 6 करोड़, सहकारी बैक के मैनेजर भूपेश चंद्रवंशी तीर 6 करोड़ 70 लाख के संपत्ति के पता चले हावय। 5 करोड़ी अफसर मन म डीएफओ राजेश सिंह चंदेले, जल संसाधन विभाग के उप सचिव एमडी दीवान के 5 करोड़ 27 लाख, वाणिज्यकर अपर आयुक्त आरके त्रिवेदी तीर 5 करोड़ 73 लाख, भू-अभिलेख के क्लर्क ऋषि कुमार तीर 5 करोड़ 30 लाख, संसाधन विभाग के एसडीओ एके गौतम तीर से 5 करोड़ 38 लाख, पीड्ब्ल्यूडी के कार्यपालन अभियंता मध्येश्वर प्रसाद साह अउ पटवारी बिनोद कुमार तंबोली के नाम हवय। ए सब्बो तीर ले 5-5 करोड़ के संपत्ति मिले हावय।
कृषि विभाग के उप संचालक रियाजुद्दीन खान तीर 4 करोड़ 16 लाख, डीएफओ शिवशंकर बड़गैय्या तीर 4 करोड़ 86 लाख, वन संरक्षक एएच कपासी तीर 4 करोड़ 94 लाख, रायगढ़ के सीएम अरुण शर्मा तीर 4 करोड़ 64 लाख, नारायणपुर के सुकमा रेंजर अजय कावरे तीर 3 करोड़ 3 लाख, औद्योगिक विभाग के उप संचालक एंथोनी तिर्की तीर से 3 करोड़ 66 लाख, मुंगेली के सीएमएचओ एसके बघेल तीर से 3 करोड़ 21 लाख, पीएमजीएसवाय के कार्यपालन अभियंता शुभनारायण पाठक तीर 3 करोड़ एक लाख, पूर्व रजिस्ट्रार केके चंद्राकर 3 करोड़ 17 लाख, जिला पंचायत परियोजना अधिकारी आनंद पांडेय 3 करोड़ 34 लाख, मैनेजर राज्य विपणन संघ रामरतन पांडेय 3 करोड़ 31 लाख बरामद होए हे। एखर अलावा 2 करोड़ अउ एक करोड़ भ्रष्टाचार के कमाई ले सपोटने वाले अफसर मन के संख्या घलोक दर्जनों म हावय।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments