शिक्षक के भूमिका म मुख्यमंत्री डॉ. रमन सिंह





रायपुर 10 फरवरी 2017। मुख्यमंत्री डॉ. रमन सिंह आज नान्हें स्कूली लइका मन के बीच एक मास्‍टर के भूमिका मं नजर आइन। उमन नवा रायपुर के सेक्टर-25 म शुरू होए क्रिस्टल फाउंडेशन के स्कूल भवन के लोकार्पण करिन। हम आप मन ल बता दन के स्कूल के भवन ल नवा रायपुर विकास प्राधिकरण (एन.आर.डी.ए.) करे हे। नवा रायपुर क्षेत्र के गांव मन के लइका मन ल ए स्‍कूल म केजी-वन में भरती करे जात हे। स्कूल पाछू चार महिना ले चलत हे। भवन के लोकार्पण आज मुख्यमंत्री के हाथ पूरा होइस। डॉ. सिंह ह स्कूल के नान्हें लइका मन ले अंगरेजी वर्णमाला के अक्षर अऊ फल मन के नाम पूछिंन। नान्हें लइका मन घलोक अड़बड़ खुश होके उंखर सवाल के जवाब दीन। कई लइका मन मुख्यमंत्री ले लपट घलोक गीन, डॉ. सिंह हर जम्‍मो लइका मन ल आशीर्वाद दीन।





Post a comment