मुख्यमंत्री के दौरा कार्यक्रम : दामाखेड़ा मं संत समागम अऊ माघ मेला मं संघरहीं





रायपुर 09 फरवरी 2017। मुख्यमंत्री डॉ. रमन सिंह काली 10 फरवरी के दिन बलौदाबाजार-भाटापारा अऊ कबीरधाम जिला मं आयोजित कार्यक्रम मन मं सामिल होहीं। डॉ. सिंह काली सुकवार के मंझनिया 1 बजे रायपुर ले हेलीकॉप्टर ले रवाना होहीं अउ मंझनिया 1.20 बजे बलौदाबाजार-भाटापारा जिला के सिमगा विकासखण्ड के गांव दामाखेड़ा पहुंचहीं। मुख्यमंत्री उहां संत समागम अउ माघ मेले मं सामिल होहीं। डॉ. सिंह संझौती 3.20 बजे कबीरधाम जिला के बोडला विकासखण्ड के गांव सुकवापारा पहुंचहीं अऊ उहां श्रीमद भागवत महापुराण ज्ञान यज्ञ मं सामिल होहीं। संझा 4.40 बजे डॉ. सिंह वापस रायपुर लहुटहीं।



Post a Comment

0 Comments