भाजपा अब ‘भट्टी जमाओ पार्टी’ बन गे हे : अमित जोगी





रायपुर। छत्तीसगढ़ विधानसभा के बजट सत्र के पहिली दिन शराबबंदी के मुद्दा पूरा सदन म गरमा गीस। राज्यपाल के अभिभाषण मं घलोक शराबबंदी के कोनो जघा उल्लेख नइ होए ले नाराज विधायक सियाराम कौशिक, आर.के. राय अऊ अमित जोगी हर विधानसभा परिसर मं शराबबंदी के मांग ल लेके विरोध प्रदर्शन करिन। अमित जोगी ह कहिस कि भाजपा अब “भट्टी जमाओ पार्टी” बन गे हावे। महिला, युवा अऊ किसान मन के भविष्य संवारे के जघा सरकार खुदे शराब के धंधा करे लगे हे।
तीनों विधायक मन शराबबंदी के मुद्दा म सरकार के खिलाफ अविश्वास प्रस्ताव के सूचना विधानसभा सचिवालय ल सौंपे हे। अमित जोगी ह कहिस कि मंत्री परिषद के फैसला के खिलाफ सदन मं अविश्वास प्रस्ताव लाय बर हमन बीजेपी अऊ कांग्रेस विधायक मन ले अपन बर नही बल्कि प्रदेश के ढाई करोड़ जनता बर मुद्दा आधारित समर्थन मांगें हन।
अमित जोगी हर विपक्षी दल कांग्रेस के चरित्र उपर घलोक सवाल उठाइस अऊ कहिस कि कांग्रेस सदन के बाहिर तो शराबबंदी म प्रस्ताव लाय के बात करथे फेर सदन के भीतर हमार सरकार के खिलाफ लाए अविश्वास प्रस्ताव म कलेचुप हावे। उमन विपक्षी दल ले पूछिन कि आखिर सत्ता पक्ष ले सांठ-गांठ के ये रिश्ता का कहाही? जोगी हर कहिस कि शराबबंदी के मुद्दा दलगत नीति अऊ निष्ठा ले कहू ऊंचा हावे। उमन आश्वस्त करिन कि शराबबंदी म विपक्ष के कोनो दल या सदस्य सरकार के खिलाफ प्रस्ताव लाही वोकर हम बिना शर्त के समर्थन करबोन।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments