राज्य बाल संरक्षण आयोग मन के राष्ट्रीय कार्यशाला 30 - 31 मार्च को

मुख्यमंत्री डॉ. रमन सिंह करहीं शुभारंभ


रायपुर 29 मार्च 2017। देश के कई ठन राज्य मन के बाल अधिकार संरक्षण आयोग मन के राष्ट्रीय कार्यशाला छत्तीसगढ़ के राजधानी रायपुर के नवीन थिरावन भवन के सभाकक्ष म 30 अउ 31 मार्च को आयोजित करे जात हवय। कार्यशाला के शुभारंभ मुख्यमंत्री डॉ. रमन सिंह काली 30 मार्च को संझा 4 बजे करहीं। कार्यशाला म राज्य मन के बाल संरक्षण आयोग के अध्यक्ष अउ सदस्य मन, विसय विशेषज्ञ मन, बाल अधिकार अउ संरक्षण के क्षेत्र म काम करइया स्‍वयं संस्था मन के प्रतिनिधि अउ संबंधित विभाग प्रमुख मन ल आमंत्रित करे गए हे। कार्यशाला के थीम ‘सुरक्षित बचपन-सुरक्षित भविष्य’ हावय। कार्यशाला म बाल अधिकार अउ ऊंखर प्रभावी संरक्षण बर चिंतन के संग-संग विसय विशेषज्ञ मन ले जे.जे. एक्ट 2015, पॉक्सो एक्ट 2012, आर.टी.ई. एक्ट 2009 अउ लेबर एक्ट के प्रभावी क्रियान्वयन के संबंध म प्रस्तुतिकरण देहीं। छत्तीसगढ़ राज्य म बाल अधिकार संरक्षण के क्षेत्र म सबले अच्छा नवा प्रयोग मन के जानकारी के संगें-संग आन राज्य मन अउ केन्द्र शासित प्रदेश म बाल अधिकार अउ बाल संरक्षण के क्षेत्र म करे जावत सर्वश्रेष्ठ प्रयोग मन के संबंधित राज्य के प्रतिभागी मन अपन जानकारी देहीं।

Post a Comment

0 Comments