एकलव्य आदर्श आवासीय विद्यालय म प्रवेश बर आवेदन के आखरी तारीक 30 मार्च





बालोद, 28 मार्च 2017। एकलव्य आदर्श आवासीय विद्यालय डौण्डी म अनुसूचित जनजाति विद्यार्थि मन के कक्षा छठवीं म प्रवेश चयन परीक्षा 2017-18 बर आवेदन जमा करे के आखरी तारीक 30 मार्च 2017 निरधारित करे गए हे। आदिवासी विकास विभाग के सहायक आयुक्त श्री आर.एस.भोई हर बताइस कि एकलव्य आदर्स आवासीय विद्यालय म अनुसूचित जनजाति विद्यार्थि मन के कक्षा छठवीं म प्रवेश बर चयन परीक्षा के आयोजन 16 अपरेल 2017 को जिला मुख्यालय बालोद म बिहनिया 10.30 बजे ले 12.30 बजे तक होही।
सहायक आयुक्त हर बताइस कि छत्तीसगढ़ माध्यमिक शिक्षा बोर्ड ले संबंद्ध आवासीय विद्यालय म जिला के अनुसूचित जनजाति वर्ग के बालक, बालिका मन बर कक्षा छठवीं ले बारहवीं तक हिन्दी माध्यम ले निःशुल्क अध्ययन के सुविधा हावय। एकलव्य आवासीय विद्यालय डौण्डी बर 30 बालक अउ 30 बालिका मन के चयन करे जाही। ओ परीक्षा म सम्मिलित होए बर इच्छुक अनुसूचित जनजाति वर्ग के छात्र-छात्रा मन ल आवेदन के संग जरूरी कागद जमा करना अनिवार्य हावय। अनुसूचित जनजाति के बालक, बालिका मन जिंखर उमर एक जुलाई 2017 को 11 ले 13 साल के बीच होवय, साल 2017-18 म आयोजित कक्षा पॉचवी के परीक्षा म सम्मिलित होवत हो या पाछू साल म कक्षा पॉचवी के परीक्षा उत्तीर्ण होवय, प्रवेश के समय कक्षा पॉचवी म 50 प्रतिशत अंक होना अनिवार्य हावय। उमन बताइन कि इच्छुक बालक, बालिका अपन आवेदन कार्यालय सहायक आयुक्त आदिवासी विकास बालोद, विकासखण्ड शिक्षा अधिकारी कार्यालय बालोद, डौण्डी, डौण्डीलोहारा, गुरूर अउ गुण्डरदेही म 30 मार्च 2017 तक जमा कर सकत हावय।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">


loading...


Post a Comment

0 Comments