ए बछर 36 स्टार्टअप ल छत्तीसगढ़ सरकार देही भरपूर मदद





रायपुर, 20 मार्च 2017। नवा वित्तीय बछर म छत्तीसगढ़ सरकार 36 नवा स्टार्ट अप आइडिया ल फरे-फूले खातिर भरपूर मदद करही। आप मन जानतेच होहू कि सरकार हर 3858 आइडिया के छंटनी के पाछू 36 आइडिया ल चुने हे। सरकार हर 5 विशेषज्ञ मन के एक उच्‍च स्तरीय कमेटी गठित करे हावय। ए कमेटी ल बेहतर स्टार्ट अप चुने के आजादी दे गए हावय। इही कमेटी चुने गए इकाइ मन के आवेदक मन ल साक्षात्कार बर बुलाही। साक्षात्कार म आवेदनकर्ता मन से आइडिया के पूरा जानकारी प्राप्त करही अउ उहीम ल समझही। एखर बाद सरकार आइडिया के कमी मन ल सुझारे बर आवेदनकर्ता मन ल जरूरी मदद घलोक करही।
राज्य सरकार के तरफ ले चुने गए इकाई ल तकनीकी पेटेंट म छह लाख रुपए तक के अनुदान मिलही। उहें आन अनुदान घलव सामिल हावय। एखर अलावा 70 लाख रुपया तक वार्षिक सीमा तकके अनुदान तको दे जाही। इकाइ मन ल 40 प्रतिशत तक स्थायी पूंजी निवेश अनुदान, जऊन कि साढ़े तीन करोड़ रुपए तक अउ बिजली शुल्क म 10 साल तक छूट के अलावा जमीन खरीदे या लीज म लेहे म ओ मन ल स्टाम्प शुल्क म सौ प्रतिशत छूट देहे जाही।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments