जकांछ के दावा, पंजाब म कैप्टन, यूपी म योगी हर करिस जोगी के नकल





रायपुर 21 मार्च 2017। छत्तीसगढ़ के पहिली मुख्यमंत्री अजीत जोगी के पार्टी जनता कांग्रेस छत्तीसगढ़ (जकांछ) के व्हाट्सग्रुप म एक नारा खूब वायरल होवत हे 'देश म मोदी, यूपी म योगी अउ अब छत्तीसगढ़ म जोगी।'
ए नारा ले एक कदम आगू बढ़के आज जकांछ हर दावा करिस कि पंजाब के मुख्यमंत्री कैप्टन अमरिंदर सिंह अउ यूपी के सीएम योगी आदित्यनाथ दुनोंच छत्तीसगढ़ के पहिली मुख्यमंत्री अजीत जोगी के नकल करत चलत हावय। जनता कांग्रेस छत्तीसगढ़ के मीडिया प्रमुख इकबाल अहमद रिजवी हर कहिस कि उत्तरप्रदेश के मुख्यमंत्री योगी आदित्यनाथ अउ पूर्व पंजाब के मुख्यमंत्री कैप्टन अमरिन्दर सिंह हर मंत्री मन के गाड़ी म लाल बत्ती म रोक लगा दे हावय, जऊन एक सराहनीय कदम हावय, फेर ये पहल छत्तीसगढ़ के पहिली मुख्यमंत्री अजीत जोगी के देन आए। काबर कि छत्तीसगढ़ म मंत्री मन अउर अधिकारी मन के लाल-पिंवरा बत्ती उप्‍पर रोक लगाए के काम देश के इतिहास म सबले पहिली अजीत जोगी ह करे रहिस।
रिजवी हर कहिस कि लाल बत्ती जनता म समरसता बर बाधक हावय। ये गर्व के बात हावय कि अजीत जोगी के लाल बत्ती म रोक के पद्धति के अनुसरण आज पंजाब अउ उत्तरप्रदेश सरकार मन करत हावंय। उमन बताइन कि लाल बत्ती हटाए के संदर्भ म तमिलनाडु हाईकोर्ट के तत्कालीन न्यायाधीश हर जोगी के ए निर्णय के प्रशंसा करे रहिस। तमिलनाडु म घलोक लाल बत्ती म बैन लगाय खातिर एक रिट याचिका लगाए गए रहिस। ओ रिट के निर्णय करत न्यायाधीश हर जोगी के निर्णय ल सराहत लाल बत्ती म रोक लगाय म अपन अभिमत देवत एला राज्य सरकार के क्षेत्राधिकार के मुद्दा बताए रहिस।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">


loading...


Post a Comment

0 Comments