मुख्यमंत्री हर कहिन कि भ्रष्टाचार, आतंकवाद अऊ महंगाई के जड़ कालाधन आए






रायपुर, 14 मार्च 2017। मुख्यमंत्री डॉ. रमन सिंह हर आज बिहनिया आकाशवाणी ले प्रसारित अपन मासिक रेडियो वार्ता ‘रमन के गोठ’ मं कहिस कि जनता के प्यार, सहयोग, समर्थन अऊ मार्गदर्शन ले ही मैं ए काबिल बन सकेंव कि बड़े निर्णय ले सकंव। आकाशवाणी ले ‘रमन के गोठ’ के ये सोलहवां कड़ी रहिस। डॉ. सिंह हर प्रधानमंत्री नरेन्द्र मोदी ले कैशलेस समाज बनाए के आव्हान के चर्चा करत करत ओ मन ल दृढ़ संकल्पित अऊ दूरदर्शी प्रधानमंत्री बताइन। डॉ. रमन सिंह हर कहिन कि भ्रष्टाचार, आतंकवाद अऊ महंगाई जैसे बड़े समस्या मन के जड़ काला धन आए। एखरे खातिर प्रधानमंत्री ह काला धन के खिलाफ सीधा लड़ाई छेडि़स हे। डॉ. सिंह हर विमुद्रीकरण के विकल्प के रूप मं नकदी रहित लेनदेन (कैशलेस ट्रांजेक्शन) बर छत्तीसगढ़ सरकार ले राज्य के जनता ल दिए जात कई ठन सुविधा मन म घलोक विस्तार ले प्रकाश डालिन।
उमन बताइन कि जब व्यक्तिगत रूप ले हम नकद राशि के लेनदेन नइ करबोन अऊ जम्‍मो मनखे कार्ड या इंटरनेट के माध्यम ले लेन-देन करे लगबोन तब करेंसी नोट ल अपन जेब मं लेके घूमे के समस्या ही खतम हो जाही अऊ ‘नगद - विहीन समाज अथवा कैशलेस सोसायटी के निर्माण होही अऊ नगदी के घलोक दुरूपयोग रूकही। डॉ. सिंह हर आज के अपन रेडियो वार्ता मं राज्य सरकार के उन योजना मन के विशेष रूप ले उल्लेख करिन जेखर ले गरीब, महिला, स्कूली बच्चा अऊ आम नागरिक मन के जीवन मं बदलाव आए हे। उमन अपन सरकार के तेरा बछर के प्रमुख योजना अऊ उपलब्धि मन के घलोक ब्यौरा दीन।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments