गुरूदर्शन : मुख्यमंत्री हर छातापहाड़ म करिस पूजा-अर्चना





रायपुर, 04 मार्च 2017। मुख्यमंत्री डॉ. रमन सिंह हर आज छत्तीसगढ़ के महान समाज सुधारक गुरू बाबा घासीदास के जन्मस्थली अउ तपोभूमि गिरौदपुरी म गुरूदर्शन मेला के अवसर म छातापहाड़ म पूजा-अर्चना करिस। उमन छत्तीसगढ़ संग पूरा देश के जनता के सुख-समृद्धि बर आशीर्वाद मांगिस। ए अवसर म खाद्य, नागरिक आपूर्ति अउ उपभोक्ता संरक्षण मंत्री श्री पुन्नूलाल मोहले अउ पर्यटन अउ संस्कृति मंत्री श्री दयाल दास बघेल संग लोकसभा सांसद (जांजगीर-चांपा) श्रीमती कमला पाटले, राज्य सभा सांसद डॉ. भूषण लाल जांगड़े, अनुसूचित जाति विकास प्राधिकरण उपाध्यक्ष डॉ. सनम जांगड़े, जिला पंचायत अध्यक्ष श्रीमती पूनम मारकण्डे अउ आन बहुत अकन वरिष्ठ जनप्रतिनिधि मन घलोक मंदिर परिक्रमा अउ गुरू गद्दी के पूजा अर्चना म सामिल होइन। ए अवसर म कलेक्टर डॉ. बसवराजू एस. संग जिला प्रशासन के वरिष्ठ अधिकारी अउ बहुत झन श्रद्धालुजन उपस्थित रहिन। आप मन जानते होहू कि तीन दिन चलईया गुरूदर्शन मेला के आज दूसर दिन हे।





style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments