मुख्य सचिव हर करिस यूनीसेफ के सहयोग ले संचालित योजना मन के समीक्षा





रायपुर, 25 मार्च 2017। छत्तीसगढ़ के मुख्य सचिव विवेक ढांड हर यूनीसेफ के सहयोग ले राज्य म संचालित कई ठन योजना मन के समीक्षा करत-करत अधिकारी मन ल लइका मन के शिक्षा, स्वास्थ्य, पोषण अऊ ऊंखर संरक्षण मं अऊ अधिक तेजी लाय के निर्देश दीन।
बैठक मं मुख्य सचिव हर आंगनबाड़ी केन्द्र ले संचालित नवाजतन, फुलवारी, सबला योजना के तहत लइका, किशोरी अउ गर्भवती महिला मन ल दे जात पूरक पोषण आहार के गुणवत्ता, लइका म न के वजन के नियमित रूप ले जांच करे अउ कम वजन के लइका मन के पोषण म विशेष ध्यान रखे के निर्देश दीन। श्री ढांड हर जिला के प्रभारी सचिव मन ल जिला के भ्रमण के समय आंगनबाड़ी केन्द्र मन अऊ स्वास्थ्य केन्द्र मन के निरीक्षण करे के निर्देश दीन। उमन कहिन कि आंगनबाड़ी कार्यकर्ता मन, मितानि मन अउ महिला स्वास्थ्य कार्यकर्ता मन के मुख्यालय मं नियमित रूप ले उपस्थिति घलोक सुनिश्चित करे जाय।
यूनीसेफ के अधिकारी मन हर बैठक मं प्रस्तुतिकरण दीन। येमा उमन महिला अउ बाल विकास, स्वास्थ्य, स्कूल शिक्षा अउ गृह विभाग संग आन कई ठन विभाग मन के माध्यम ले संचालित बच्चा मन के पोषण, स्वास्थ्य, शिक्षा अउ संरक्षण ले संबंधित कई ठन योजना मन के प्रगति के जानकारी दीन।
बैठक मं अधिकारी मन हर बताइन कि महासमुंद जिला के तुमगांव, कोमाखान, पटेवा अऊ बसना पुलिस थाना मं पायलट प्रोजेक्ट के रूप मं पुलिस-बाल मित्र अऊ बाल संरक्षण ले संबंधित सूचना के शुरूआत करे गए हावे। ए थाना मन म चार हजार बाल मित्र मन ल प्रशिक्षण दे गए हावे, जऊन बच्चा मन के गुमे अऊ उंखर पता लगाय म पुलिस के सहयोग करते हावे। मुख्य सचिव हर एखर प्रशंसा करिन अऊ आन जिला मं घलोक एला शुरू करे ल कहिन।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">


loading...


Post a Comment

0 Comments