मुख्यमंत्री ले उत्तर प्रदेश के मंत्रि मन करिन सौजन्य मुलाकात

छत्तीसगढ़ के पीडीएस मॉडल के करिन बड़ई




style="display:block"
data-ad-client="ca-pub-3208634751415787"
data-ad-slot="6745940556"
data-ad-format="auto">


रायपुर, 31 मार्च 2017। मुख्यमंत्री डॉ. रमन सिंह ले आज इहां मंत्रालय म उत्तर प्रदेश के खाद्य मंत्री श्री अतुल गर्ग अउ कृषि मंत्री चौधरी लक्ष्मीनारायण हर सौजन्य मुलाकात करिन। ए अवसर म छत्तीसगढ़ सरकार के खाद्य, नागरिक आपूर्ति अउ उपभोक्ता संरक्षण मंत्री श्री पुन्नूलाल मोहले अउ मुख्य सचिव श्री विवेक ढांड घलोक उपस्थित रहिन। छत्तीसगढ़ सरकार के सार्वजनिक वितरण प्रणाली ल देश के एक आदर्श प्रणाली मानके उत्तर प्रदेश के मुख्यमंत्री योगी आदित्य नाथ हर उहां के खाद्य अउ कृषि मंत्री ल अध्ययन दौरा बर इहां भेजे हावय।
डॉ. रमन सिंह ले आज गोठ-बात करत मंत्री सर्वश्री अतुल गर्ग अउ चौधरी लक्ष्मीनारायण हर कहिन कि आप मन के राज्य के सार्वजनिक वितरण व्यवस्था ल पाछू कई बछर ले देश म लगातार सराहना मिलत हावय। छत्तीसगढ़ ह गरीब मन बर देश म सबले पहिली अपन खाद्य अउ पोषण सुरक्षा कानून बनाए हावय। मुख्यमंत्री योगी आदित्य नाथ घलोक चाहत हे कि आप मन के इहां के ए पीडीएस मॉडल ल उत्तर प्रदेश म घलोक अपनाए जाय। डॉ. रमन सिंह हर एखर खातिर उत्तर प्रदेश के मुख्यमंत्री अउ दुनों मत्री मन के प्रति आभार प्रकट करिन। डॉ. सिंह हर कहिन कि उत्तर प्रदेश के अधिकारी मन ल पीडीएस के छत्तीसगढ़ मॉडल के व्यावहारिक प्रशिक्षण दे बर राज्य सरकार इहां ले अपन अधिकारी मन के टीम ल उहां भेजही। हमार खाद्य मंत्री श्री मोहले अधिकारी मन के दल ल लेके उहां जाहीं। डॉ. सिंह हर कहिन कि गरीब मन ल मात्र एक रूपिया किलो म चाउंर, निःशुल्क आयोडिन नमक अउ आदिवासी क्षेत्र मन म सिरिफ पांच रूपिया किलो म दू किलो चना वितरण ले राज्य के कुपोषण मुक्ति म घलोक मदद मिलत हावय। पारदर्शिता के दृष्टि ले पूरा पीडीएस के कम्प्यूटरीकरण करे गीए हावय।


style="display:block"
data-ad-client="ca-pub-3208634751415787"
data-ad-slot="6745940556"
data-ad-format="auto">

Post a Comment

0 Comments