मुख्यमंत्री हर सड़क हादसा मं मंत्रालयीन कर्मचारी के निधन म गहरा दुःख व्यक्त करिन





रायपुर 29 मार्च 2017। मुख्यमंत्री डॉ. रमन सिंह हर आज इहां नवा रायपुर मं पुलिस मुख्यालय तीर मंत्रालयीन कर्मचारी मन के एक बस अऊ आघू ले आवत एक ट्रक मं टक्कर के कारन एक भृत्य श्री मोहन विश्वकर्मा के आकस्मिक मृत्यु उपर गहरा दुःख व्यक्त करिन। उमन स्वर्गीय श्री मोहन विश्वकर्मा के शोक संतप्त कुटुंब बर संवेदना प्रकट करे हें। दिवंगत श्री मोहन विश्वकर्मा खनिज साधन विभाग के कर्मचारी रहिन। मुख्यमंत्री हर हादसा मं घायल बस चालक के जल्द स्वास्थ्य लाभ के कामना करे हावें। मिले जानकारी के अनुसार राजधानी रायपुर के मोवा अऊ तीर-तखार रहइया मंत्रालयीन कर्मचारी मन ल लेके सिटी बस मंत्रालय के तीर पहुंचे रहीस हे। अचानक पुलिस मुख्यालय के थेकुन पहिली चौराहा मं आघू ले आवत एक तेज रफ्तार ट्रक ओखर ले टकरा गे।










Post a Comment

0 Comments