अंत्योदय राज्य के योजना मन के मूलमंत्रः डॉ. रमन






रायपुर, 14 मार्च 2017। छत्तीसगढ़ मं अंत्योदय ल राज्य के जम्‍मो नीति अऊ योजना मन के मूलमंत्र बनाय गए हे। मुख्यमंत्री डॉ. रमन सिंह ह आज रमन के गोठ मं कहिन कि नवा रायपुर ल विश्व के सबले अच्छा राजधानी शहर के रूप मं विकसित करे जावत हे अऊ ए नवा शहर ल अंत्योदय के प्रेरणा केन्द्र घलोक बनाय गए हे। उहां कमजोर तबका ल रहे, बसे अऊ काम करे के जमो सुविधा बराबर मिलही। अपन संकल्प के उद्घोष करे बर हमन नवा रायपुर के केन्द्रीय सड़क ल एकात्म पथ के नाम देहे हन अऊ ए रस्ता के बीच विराट चौराहा म पंडित दीनदयाल उपाध्याय जी के प्रतिमा स्थापित करे हन। नवा रायपुर मं एकात्म पथ जनपथ ल राजपथ ले जोड़इया मार्ग बन गए हे, जऊन एक तरफ शासन-प्रशासन ल गरीब मन बर संवेदनशील बनाए रखही, उहें दूसरा तरफ गरीब के मन मं अपन अधिकार के घलोक अलख जगाए रखही।
मुख्यमंत्री ह सौर सुजला योजना के चर्चा करत करत कहिन कि ए योजना के तहत दू साल मं राज्य के 51 हजार किसान मन ल सौर ऊर्जा से चलइया सिंचाई पम्प रियायती दर म देहे जाही। अंदाजन साढ़े तीन लाख ले साढ़े चार लाख रुपया के लागत वाले सोलर सिंचाई पंप किसान ल सिरिफ 15 हजार ले 30 हजार रुपया मं पात्रता के अनुसार मिलथे। सौर सुजला योजना ले राज्य मं ढाई लाख एकड़ मं सिंचाई होए लगेहे। ये वाले योजना एक क्रांतिकारी पहल हावे। उमन ककहिन कि विज्ञान के क्षेत्र मं विशेष पहल बर प्रदेश के छात्र मन ल राष्ट्रीय इग्नाइट अवॉर्ड दे जात हावे। एमां तीन लइका छत्तीसगढ़ राज्य के हावे। ए मन ल राष्ट्रपति के हाथ पुरस्कार मिलही। सुकमा के एक पोटा केबिन मं पढ़ाई करत छठवीं के छात्र रोशन सोरी हर पोलिंग बूथ ले इलेक्ट्रॉनिक वोटिंग मशीन (ईवीएम) मं दर्ज आंकड़ा ल सीधा कन्ट्रोल रूम भेजे के परयोग करे हे। रोशन के पिता चाहथे कि ओखर बेटा गांव मं पशु चराए जाय, फेर रोशन के मन मं पढ़ाई के जऊन ललक रहिस, ओ हर ओला स्कूल पहुंचा दीस। रोशन के मन मं लोकतंत्र के सबले बड़े हथियार मतदान के सुरक्षा ल लेके सवाल उठिस। ओला मतपेठी मन के चिन्ता होइस कि ये मां मतदाता मन के राय बंद हावे, जऊन सुरक्षित रूप ले गिनती बर पहुंच जाय। दंतेवाड़ा निवासी सातवीं के छात्रा इंदु मानिकपुरी के घलोक तारीफ करिन, जे ह शौचालय के सेप्टिक टैंक के भरे अऊ ओवरफ्लो होए ले होवइया प्रदूषण ल रोके बर सेप्टिक टैंक प्रेशर रिकॉर्डर के मॉडल बनाय हावे। मुख्यमंत्री हर कहिस कि इंदु के सोच हावे कि सेप्टिक टैंक मं आलू काटके डाले ले एखर गंदगी डि-कम्पोज हो जाही।
मुख्यमंत्री हर बैडमिंटन के सीनियर वर्ग मं कोरबा निवासी श्रेयांश जायसवाल ल भारत के नंबर एक खिलाड़ी के दर्जा मिलइ अऊ आकर्षी कश्यप ल 17 साल ले कम आयु वर्ग मं देशभर मं अव्वल स्थान पाए म बधाई दीस। छत्तीसगढ़ के नान्हें बालिका अनन्या चौकसे अऊ रायपुर शहर के तंग बस्ती मं रहइया रिक्शा चालक सीताराम के बेटा लक्ष्मण के उपलब्धि मन के घलोक विशेष रूप ले उल्लेख करिन।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments