नक्सल प्रभावित इलाका के 20 हजार युवा मन ल मिलीस कौशल प्रशिक्षण - डॉ. रमन सिंह

नीति आयोग के बैठक मं सामिल होइन छत्तीसगढ़ के मुख्यमंत्री
अकटूबर 2018 मं छत्तीसगढ़ खुले मं शौच मुक्‍त राज्य होही
दूरिहा के आदिवासी इलाका मन मं अपन संसाधन ले इंटरनेट अऊ मोबाइल कनेक्टिविटी बढ़ाए के योजना लउहे धरे जाही




रायपुर, 23 अप्रैल 2017। मुख्यमंत्री डॉ. रमन सिंह हर कहिन कि नीति आयोग ले निरधारित लक्ष्य ल हासिल करे बर छत्तीसगढ़ सरकार परखर नजर, रणनीति अऊ कार्ययोजना के संग आगू बढ़त हे। उमन आज नई दिल्ली मं प्रधानमंत्री श्री नरेन्द्र मोदी के अध्यक्षता मं आयोजित नीति आयोग के शासी परिषद (गर्वनिंग काउंसिल) के बैठक मं कहिन - छत्तीसगढ़ मं नक्सल प्रभावित क्षेत्र मन के अंदाजन 20 हजार युवा मन ल कौशल विकास ले जोड़ के कई ठन व्यवसाय मं प्रशिक्षित करे गए हे। डॉ. रमन सिंह हर बैठक मं बताइन - प्रधानमंत्री के स्वच्छ भारत मिशन के तहत छत्तीसगढ़ मं स्वच्छता के कव्हरेज बढ़के 84 प्रतिशत हो गए हे अऊ 2 अकटूबर 2017 तक छत्तीसगढ़ खुले मं शौच ले मुक्‍त राज्य बन जाही। दूरिहा के आदिवासी क्षेत्र मन मं छत्तीसगढ़ अपन संसाधन ले इंटरनेट अऊ मोबाईल कनेक्टिविटी बढ़ाए के कार्ययोजना लउहे सुरू करइया हे। मुख्यमंत्री डॉ रमन सिंह नीति आयोग के के बैठक ल संबोधित करत रहिन। बैठक के अध्यक्षता प्रधानमंत्री श्री नरेन्द्र मोदी हर करिन। बैठक मं केन्द्रीय मंत्रीगण अऊ राज्य मन के मुख्यमंत्री उपस्थित रहिन।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments