चुनाव डेढ़ साल बाद, जोगी हर अभी ले तय दीस 25 नाम





रैपुर, 06 अपरेल 2017। जनता कांग्रेस छत्तीसगढ़ (जे) के संस्थापक अध्यक्ष अउ पूर्व मुख्यमंत्री अजीत जोगी हर छत्तीसगढ़ मं अवइया विधानसभा चुनाव मं अपन विरोधी पार्टी मन ल देहे खातिर पाछू बुधवार के दिन 25 विधानसभा बर प्रत्याशी मन के नाम तय कर लेहे के संकेत दे हावे। संगें-संग उमन 2017 के आखरी तक जम्‍मो 90 विधानसभा सीट मन म प्रत्याशी मन के नाम घोषित करे के ऐलान घलोक करे हे। जनता कांग्रेस छत्तीसगढ़ ह चुनाव ले एक साल पहिलीच प्रत्याशी मन के नांव मन के घोषणा करे के ऐलान कर देहे रहिस हे, उंखर सोंचना हावे के नवा पार्टी के हिसाब ले चुनाव के तैयारी बर पूरा मौका मिल सकय। इही कड़ी मं उमन बुधवार को अपन पार्टी के 25 विधानसभा प्रत्याशी मन के नांव मन के सूची तय होए के जानकारी मीडिया ल दीन हे।
पार्टी ह एक ठन अउ बढि़या फैसला लेहे हे कि शराब पीयइया मन ल पार्टी ह टिकट नइ दय। आप मन जानतेच होहू कि जनता कांग्रेस छत्तीसगढ़ प्रदेश मं पूर्ण शराबबंदी के मांग ल लेके लंबा लड़ाई लड़त हावे। ए बात के चलते पार्टी के तरफ ले जम्‍मो पदाधिकारी मन अउ कार्यकर्ता मन ल पहिलीच शराब ले दूर रहे के हिदायत दे दे हे। उमन विधानसभा चुनाव मं घलोक नेता मन ल घलोक शराब के सेवन अऊ शराब ले जुरे कारोबार ले घलोक दूर रहे के हिदायत दे गे हावे। उंखर सख्त हिदायत हावे कि कहूं कोनो शराबखोरी या एखर से जुड़े कोनो कारोबार ले जुड़े मिलही ओला सीधा पार्टी ले निष्कासित कर दे जाही।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">




style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments