छत्तीसगढ़ म 40 परसेंट बस मन के चक्‍का थम्‍हइया हे



style="display:block"
data-ad-client="ca-pub-3208634751415787"
data-ad-slot="6745940556"
data-ad-format="auto">


रायपुर, 08 अपरेल 2017। छत्तीसगढ़ परिवहन विभाग हर 12 साल जुन्ना प्राइवेट बस मन ल अगस्त महीना ले बंद करे के निर्देश जारी करे हावय। जेखर बाद छत्‍तीसगढ़ के करीबन 40 परसेंट बस मन के पहिए थम जाही। येमा जादा मात्रा मिनी बस मन के होही। ए फरमान के पाछू अब निजी बस मालिक मन कोर्ट जाय के तैयारी करत हे। उंखर मांग हावय कि जुन्ना बस मन बर तीन साल के समय दे जाय। जनइया मन बताथें कि प्रदेश म करीब ढाई हजार बस मन 12 साल जुन्ना के हावय। येमा ले मिनी बस के संख्याच ह जादा हावय। केंद्र के निर्देश म राज्य सरकार हर ये निर्णय ले हावय कि अब 12 साल के जुन्‍ना बस मन ल सड़क म चले से बंद करे जाही। बस संचालक मन ल ए बारे म खबर कर दे गए हावय। खबर एहू हवय के सरकार हर ट्रक मन ल 15 साल तक के छूट दे हावय।
एती छत्तीसगढ़ यातायात महासंघ के कहना हावय कि जऊन समय बस मन के रजिस्ट्रेशन कराए गीस, ओ समय ओ मन मन ल कुछ नइ बताय गीस। फेर आज अचानक ये वाले फैसला कइसे लेहे हावंय। जबकि मिनी बस के सहारे मालिक मन अपन घर-परिवार चलावत हावंय। अइसन म ऊंखर आघू रोजी-रोटी के संकट खड़ा हो सकत हावय।


style="display:block"
data-ad-client="ca-pub-3208634751415787"
data-ad-slot="6745940556"
data-ad-format="auto">

Post a Comment

0 Comments