पूरा राज्य म एक संग शराबबंदी लगावय रमन ह : अमित जोगी





रायपुर, 13 अप्रैल 2017। मुख्यमंत्री रमन सिंह ले छत्तीसगढ़ म चरणबद्ध तरीका ले शराबबंदी लागू करे के घोषणा उपर आभा मारत मरवाही विधायक अमित जोगी ह कहे हें कि कहूं सरकार शराबबंदी म सहिंच म गंभीर हावय, त ओला पूरा प्रदेश म एके संग शराबबंदी लागू करना चाही। मुख्यमंत्री के 3000 ले ऊपर के आबादी के गाव मन म शराबबंदी लागू करे के एलान उपर उमन सवाल उठाये हें कि का कम आबादी वाले गाव के लोगन के रमन बर कोनो महत्व नइ हे?

जोगी हर कहे हे कि जब हमार प्रदेश के बहनी अउ बेटी मन हर खुले तौर म शराब बिक्री के विरोध करत हावंय, जऊन प्रदेश म 19 लाख युवा बेरोजगार घूमत हावंय। उहां सरकार के नैतिक दायित्व हावय कि वो ह तुरंते पूरा प्रदेश म शराबबंदी लागू करय। एखर उलटा सरकार के इरादा सिरिफ शराब के माध्यम ले अपन खीसा भरे के दिखत हवय। सरकार ल प्रदेश के विकास, कानून-व्यवस्था अउ समरसता ले कोनो सरोकार नइ दिखत हे। शराबबंदी बर बढ़त दबाव के कारण सिरिफ देखावा खातिर मुख्यमंत्री हर चरणबद्ध शराबबंदी के घोषणा करे हावय।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments