मुख्यमंत्री हर दीस हाईटेक बस टर्मिनल अऊ रैन बसेरा के सौगात

दुनों निर्माण कार्य के डॉ. रमन सिंह हर करिस गीस भूमिपूजन-शिलान्यास
मुख्यमंत्री सामिल होइन अम्बेडकर जयंती के राज्य स्तरीय समारोह मं
डोंगरगढ़ मं बाबा साहब के धातु निर्मित आदमकद प्रतिमा स्थापित करे के घोषणा
राजनांदगांव के अम्बेडकर सांस्कृतिक भवन ल पूरा करे बर 20 लाख रुपया के मंजूरी
छत्तीसगढ़ राज्य अल्पसंख्यक आयोग मं बौद्ध समाज ल घलोक मिलही प्रतिनिधित्व
मुख्यमंत्री हर करिस कई क्षेत्रों के प्रतिभा मन के सम्मान







रायपुर, 14 अपरेल 2017। मुख्यमंत्री डॉ. रमन सिंह हर आज डॉ. भीमराव अम्बेडकर जयंती के अवसर म जिला मुख्यालय राजनांदगांव मं हाईटेक बस स्टैंड (टर्मिनल) अऊ राष्ट्रीय शहरी आजीविका मिशन के बननइया रैनबसेरा के भूमिपूजन अऊ शिलान्यास करिन। हाईटेक बस टर्मिनल के निर्माण करीब पांच करोड़ 88 लाख रूपया के लागत ले अऊ रैन बसेरे के निर्माण लगभग 50 लाख रूपए के लागत ले करे जाही। ए अवसर म मुख्यमंत्री हर पद्मश्री गोविंदराम निर्मलकर स्मृति ऑडिटोरियम मं जनता ल सम्बोधित करत कहिन कि राजनांदगांव के नागरिक मन कोति ले दू महत्वपूर्ण सुविधा मन के मांग बहुत दिन ले करे जात रहिस। बहुत जल्द दुनों निर्माण काम पूरा हो जाही अऊ जनता ल ए सुविधा मन के लाभ मिलही। कार्यक्रम मं स्कूल शिक्षा, आदिम जाति अऊ अनुसूचित जाति विकास मंत्री श्री केदार कश्यप, लोकसभा सांसद श्री अभिषेक सिंह, नगर निगम के महापौर श्री मधुसूदन यादव, छत्तीसगढ़ राज्य अनुसूचित जाति आयोग के अध्यक्ष श्री रामजी भारती, छत्तीसगढ़ राज्य समाज कल्याण बोर्ड के अध्यक्ष श्रीमती शोभा सोनी, राज्य भंडार गृह निगम के अध्यक्ष श्री नीलू शर्मा, छत्तीसगढ़ उर्दू अकादमी के अध्यक्ष श्री अकरम कुरैशी, बीस सूत्रीय कार्यक्रम समिति के उपाध्यक्ष श्री खूबचंद पारख, राज्य महिला आयोग के सदस्य श्रीमती लकीर मेश्राम सहित कई संस्था मन के पदाधिकारी, आदिम जाति अऊ अनुसूचित जाति विकास विभाग के बहुत अकन वरिष्ठ अधिकारी, जिला प्रशासन के वरिष्ठ अधिकारी अऊ बड़ संख्या मं नागरिक उपस्थित रहिन।






Post a Comment

0 Comments