गरीब मन ल आवास देवाना हमर प्राथमिकता - श्री अग्रवाल

प्रधानमंत्री आवास योजना अउ मोर जमीन मोर मकान योजना के तहत् सबके आवास बर भूमि पूजन






बिलासपुर, 23 अप्रैल 2017। हमार देश के प्रधानमंत्री श्री नरेन्द्र मोदी अउ प्रदेश के मुख्यमंत्री डा. रमन सिंह हर सन् 2022 तक सब्बो गरीब मन ल आवास देवाए के संकल्प ले हावे। ओला साकार करे बर आज प्रधानमंत्री आवास योजना के भूमि पूजन करे गीस। एखर तहत् अशोक नगर मं 22 करोड़ के लागत ले 1232 अउ सरकंडा मं 13 करोड़ के लागत ले 256 आवास निर्माण कराये जाही। ए बात आज नगरीय प्रशासन, उद्योग अउ वाणिज्यिक कर मंत्री श्री अमर अग्रवाल हर आवास निर्माण के शिलान्यास समारोह मं कहिन।
नगरीय प्रशासन मंत्री श्री अग्रवाल हर कहिन कि प्रधानमंत्री हर गरीब मन के उत्थान बर कई योजना संचालित करत हें। उंखर मानना हे कि जब तक गांव के गरीब ,किसान अऊ महिला मन के विकास नइ होही, तब तक विकास के परिकल्पना बेइमानी हे। तभे उमन महिला मन के सम्मान बर उज्जवला गैस कनेक्शन वितरण योजना चालू करिन। श्री अग्रवाल हर कहिन कि सन् 2019 तक खुले मं शौच ले मुक्‍त कराए के पहल के शुरूवात करे गए हे। छत्तीसगढ़ ल 2018 तक खुले मं शौच मुक्‍त करा ले जाही। उमनं बताइन कि युवक मन ल स्वरोजगार बर मुद्रा योजना चालू करे गए हे। जनधन योजना ले देश मं 27 करोड़ खाता खुलवाए गए हे। मुद्रा योजना मं 10 लाख रूपया के राशि तक बिना गारंटी बर करजा दे बर योजना बनाय हें। उमनं कहिन कि सबला पक्का मकान बनवाकर देहे के संग उंखर मालिकाना हक घलोक देबोन। देश के कोनो नागरिक आवसहीन नइ रहे एखर बर 2022 तक लक्ष्य रखे गए हे।
कार्यक्रम मं सांसद श्री लखन लाल साहू हर संबोधित करत कहिन कि हमर सरकार रियायत दर म हर जरूरतमंद कुटुंब ल आवास प्रदान करके राहत देहे के काम करत हे। तभे आज इहॉ प्रधानमंत्री आवास योजना के शुभारंभ अउ भूमिपूजन करे गीस।
कार्यक्रम के अध्यक्षता विधानसभा उपाध्यक्ष श्री बद्रीधर दीवान करिन, ए अवसर म विशिष्ट अतिथि के रूप मं श्री किशोर राय, आयुक्त नगर निगम श्री सौमिल रंजन चौबे, श्री विजय ताम्रकार, श्री उमेश चन्द्र कुमार, वार्ड पार्षद श्रीमती सुख बाई, नारद साहू, सतीश गुप्ता उपस्थित रहिन। ए अवसर म श्री अग्रवाल हर हितग्राहि मन ल प्रधानमंत्री आवास योजना के प्रमाण पत्र अउ मोर जमीन मोर मकान योजना के प्रमाण पत्र प्रदान करिन।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments