बर्खास्त जज के पत्नी के तीन दिवसीय मौन धरना





बिलासपुर, 12 अप्रैल 2017। सुकमा जिला के बर्खास्त न्यायाधीश प्रभाकर ग्वाल के पत्नी हर नेहरू चौक म तीन दिवसीय मौन धरना प्रदर्शन के एलान करे हावे। बर्खास्त जज के पत्नी प्रतिभा ग्वाल हर पति ल गलत तरीके ले सेवा से अलग करे के आरोप लगाये हावे। प्रतिभा हर छत्तीसगढ़ शासन ऊपर घलोक पति ल प्रताड़ित करे के बात कहे हावे।
सुकमा जिला कोर्ट के बर्खास्त न्यायाधीश प्रभाकर ग्वाल के पत्नी तीन सूत्रीय मांग ल लेके नेहरू चौक म मौन धरना प्रदर्शन करत हावे। मालूम हो कि प्रभाकर ग्वाल ल हाईकोर्ट हर सेवा ले बर्खास्त कर दे हावे। बर्खास्तगी के खिलाफ न्यायाधीश के पत्नी प्रतिभा ग्वाल हर छत्तीसगढ शासन ऊपर प्रताड़ना के आरोप लगाए हावे। प्रतिभा हर बताइस कि पति बेगुनाह हावे। पति ल सोचे समझे रणनीति के तहत बड़े लोगन मन हर ष़ड़यंत्र मं फंसाए हावे।
प्रतिभा हर बताइस कि तीन दिन तक मौन धरना प्रदर्शन करहूँ। ए दौरान शासन ले तीन सूत्रीय मांग ल पूरा करे दबाव बनाहूँ। धरना प्रदर्शन स्थल म बर्खास्त जज प्रभाकर ग्वाल अऊ अऊर मनखे घलोक मौजूद हें।
प्रतिभा ग्वाल हर बताइस कि हम चाहत हवन कि प्रभाकर ग्वाल के खिलाफ हाईकोर्ट हर जऊन कार्रवाई करे हावे। ओखर जानकारी सत्यापित प्रति मं दे जाय। हमर दूसर मांग सुनवाई म स्थानीय जज ल रखे जाय। एखर अलावा मामले के सुनवाई प्रतिदिन हो। प्रतिभा ग्वाल के धरना प्रदर्शन ल कई लोगन हर समर्थन देहे हवय।
आप मन ल बता देवन कि बर्खास्त न्यायाधीश प्रभाकर ग्वाल हर पीएमटी पेपरलीक अऊ भदौरा मं जमीन के अवैध खरीद फरोख्त के जाच करे रहिस।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments