जनता के संतुष्टि ही अभियान के सफलता - श्रम मंत्री श्री राजवाडे़






कसरा शिविर मं होइस दू हजार आवेदन मन के निराकरण
रायपुर 28 अप्रैल 2017। खेल अऊ युवा कल्याण मंत्री श्री भईया लाल राजवाडे़ ह कोरिया जिला के विकासखंड बैकुण्ठपुर के ग्राम पंचायत कसरा समाधान शिविर मं सामिल होइन। ए मौका म समाज कल्याण, खेल अउ युवा कल्याण विभाग के सचिव अउ कोरिया जिला के प्रभारी सचिव श्री सोनमणि बोरा घलोक विशेष रूप ले उपस्थित रहिन। लोक सुराज अभियान के पहिली चरण मं ग्राम पंचायत कसरा कलस्टर मं 2349 आवेदन पत्र प्राप्त होए रहिस हे। एमां ले 2212 आवेदन पत्र के निराकरण करे गीस।
शिविर मं श्री राजवाड़े हर कहिन कि लोक सुराज अभियान शासन के महत्वपूर्ण अभियान हे। ए अभियान मं बहुत अकन ग्रामीण मन के समस्या मन के समाधान करे जात हे। उमन कहिन कि शिविर मं जनता संतुष्ट होके जावंय, इही अभियान के सफलता आए। श्री राजवाड़े हर कहिन कि जहां पहिली खेती करना मुश्किल रहिस अब उहां हरियाली आए हे। ये सौर सुजला योजना के वरदान ये। उमन कहिन कि सौर सुजला योजना के तहत सिंचाई बर अब ट्रांसफार्मर अऊ बिजली के जरूरत नइ हे। सुरुज के प्रकाश ले सोलर सिंचाई पंप के संचालन होवत हे। कसरा कलस्टर के बुड़ार, कंचनपुर, सरभोका, कुड़ेली, भांडी, खांडा, जमगहना, उरूमदुगा अऊ आनी ग्राम पंचायत के ग्रामीण अउ पंचायत प्रतिनिधि मन हर हिस्सा लीन। जिला के प्रभारी सचिव श्री बोरा हर कहिन कि हर साल लोक सुराज अभियान के आयोजन करे जाथे, फेर ए साल नवा स्वरूप मं लोक सुराज अभियान के आयोजन करे जात हे। ए अभियान मं 26 से 28 फरवरी तक आम लोगन ले ऑनलाईन अऊ ऑफलाईन आवेदन पत्र आमंत्रित करे गए रहिस।
एखर बाद 1 मार्च ले 30 मार्च तक आवेदन पत्र के आनलाईन निराकरण करके 3 अप्रैल ले लक्ष्य समाधान शिविर के माध्यम ले ग्रामीण मन ल प्रकरण मन के निराकरण के जानकारी दे जात हे। श्री बोरा हर कहिन कि ए अभियान मं मुख्यमंत्री डॉ. रमन सिंह आम लोगन ले मुलाकात कर शासकीय योजना मन मं आम लोगन के भागीदारी के संबंध मं जानकारी प्राप्त कररत हें। उमन कहिन कि राज्य शासन आखरी छोर के आखरी मनखे ल योजना मन के लाभ दिवाए के काम करत हे।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments