मुख्‍यमंत्री ह कलेक्टर ल कराइस चुप!…बोलिस आपसे नहीं अफसर ले हमला जानना हावे





कोरबा 6 अपरेल 2017। एक दिन थिराए के बाद फेर लोक सुराज म निकले मुख्यमंत्री हर आज कड़क तेवर देखाइस। समाधान शिविर के समय जब विभागीय जानकारी मुख्यमंत्री हर विद्युत विभाग ले चाहीस त कलेक्टर आके जानकारी देहे लगिस। मुख्यमंत्री हर कलेक्टर ल चुप करावत कहिस ” ऊर्जा विभाग के अधिकारी ल मंच म बलावव, आपसे नइ पूछत हन, अधिकारी ल बलावव!!
मुख्यमंत्रि के कड़क अवाज सुनतेच शिविर के अफसर मन सट खा गें। तुरते एक्सक्यूटिव इंजीनियर मंच म पहुंचिन अऊ जानकारी दीन। दीनदयाल उपाध्याय ज्योति योजना के तहत 2093 मंझरा-टोला म 1912 म योजना पूरा कर देहे गए हे। अइसे सुनतेच मुख्यमंत्री फेर बोलिस कि बाकि बांचे ल कब तक पूरा करहू। जवाब मं इंजीनियर ह जवाब दीस कि 90 % टारगेट पूरा करे जा चुके हे जबकि 471 मंजरा-टोला मन म विधुतीकरण नइ होए हे, जेला मार्च 2018 तक पूरा कर लेहे जाही। ए दौरान मुख्य सचिव विवेक ढांढ अऊ संयुक्त सचिव रजत कुमार घलोक मौजूद रहिन। मुख्यमंत्री हर ओ समें प्रधानमंत्री आवास योजना के क्रियान्वयन ल लेके कलेक्टर ले मंच म जानकारी लीन। कलेक्टर ह बताइ स कि 8000 पाछू बछर के टारगेट रहिस जऊन ल अब बढ़ाके ए बछर 25000 करे गए हे।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments