रेल मंत्री सुरेश प्रभु ले मिलिन बृजमोहन

●रायपुर के छोटे रेल लाइन म सड़क बनाए के अनुमति बर दीन धन्यवाद
●रेलवे स्टेशन के स्टेंड मं होए आगजनी के चर्चा, पीड़ित मन ल मुआवजा के रद्दा निकाले के रखिन बात




रायपुर, 22 अप्रैल 2017। छत्तीसगढ़ प्रवास म आए केंद्रीय रेल मंत्री सुरेश प्रभु ले प्रदेश के कृषि अउ सिंचाई मंत्री बृजमोहन अग्रवाल हर भेट करिन। राज्य अतिथि विश्राम गृह "पहुना" मं होए ए भेंट के बेरा श्री अग्रवाल हर रायपुर शहर के बीच ले होके गुजरइया छोटे रेल लाइन के जघा म सड़क बनाए बर रेलवे के स्वीकृति प्रदान करे म मंत्री श्री प्रभु ल धन्यवाद दीन।
ए अवसर म श्री अग्रवाल हर रायपुर रेलवे स्टेशन के मोटर सायकल स्टेंड मं होए आगजनी के घटना उपर घलोक चर्चा करिन। उमन श्री प्रभु ल बताइन कि सैकड़ों लोगन के गाड़ी मन ए आगजनी के दुर्घटना मं जलके भसम हो गीस। ए घटना के पीड़ित मन ल मुआवजा मिलय अइसन कोनो रद्दा निकाले के आग्रह उमन रेल मंत्री ले करिन।
बृजमोहन ह कहिस कि छत्तीसगढ़ मं रेलवे क्षेत्र के अऊ विकास के जरूरत हावे। रायपुर डिवीजन ले काफी राजस्व मिलथे तेखर खातिर हमर कोति जादा ध्यान देना जरूरी हावे। संगें-संग उमन इहां ले हप्‍ता म चलइया ट्रेन मन ल दैनिक करे के बात घलोक रखिन।
बृजमोहन हर विकास के दौड़ मं तेजी ले बाढ़त छत्तीसगढ़ राज्य म विशेष  ध्यान देहे के जरूरत उपर जोर दीन। ए बात म श्री प्रभु हर घलोक हामी भरत कहिन कि निश्चित रूप ले राज्य के विकास मं रेलवे के भूमिका घलोक अहम् होही।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Post a Comment

0 Comments