मनरेगा मजदूर मन के मया म मोहा गए रमन, देही स्‍टील के टिफिन



style="display:block"
data-ad-client="ca-pub-3208634751415787"
data-ad-slot="6745940556"
data-ad-format="auto">


रैपुर, 08 अपरैल 2017। लोक सुराज अभियान के तहत अंबिकापुर गए मुख्‍यमंत्री रमन सिंह आज हेलीकॉप्टर ले रायपुर लहुट आइन। इहां उमन अपन सुराज दौरा के अनुभव बतात कहिन कि उमन मनरेगा म काम करइया आदिवासी महिला मन के हाथ के बनाए खाना खाइन इही बेरा विचार आइस कि ओ मन ल स्टील के टिफिन देना चाही। संगें-संग उमन सरकार के शराब बेचे म होवत अव्यवस्था के सवाल म कहिन कि कोनो परेशानी अउ अव्‍यवस्‍था नइ हे जम्‍मो जघा शांति हावय। महिला मन लाठी लेके घूमत हावंय। मुख्‍यमंत्री के संग दौरा म गए साहेब मन बताईन कि अम्बिकापुर दौरा म मुख्‍यमंत्री ह छेरी चरावत एक झन लइका मेर अपन काफिला ल रोक के ओखर मेर कहिस कि मोला ये नान्‍हे पठरू ल दे न येला मैं ह हेलीकाप्‍टर म लेके जाहूं। त ओ लइका लजा के कहिस कि नइ देवंव। मुख्‍समंत्री ह ओला ओखर पढ़ई के बारे म पूछिस अउ संग म चलत साहेब मन ल ओखर पढ़ई के बिवस्‍था करे ल कहिस।
मुख्‍यमंत्री रमन ल ए दउरा म खाए भाजी-भात अतका मिठाए हे कि उमन मनरेगा के मजदूर मन ल टिफिन देहे के सोंचत हे। रमन सिंह हर अम्बिकापुरे म मीडिया ले कहिन कि मनरेगा मजदूर मन बर स्टील के टिफिन बॉक्स देहे के नवा योजना शुरू करे जाही। बाद म एकर नामकरन करे जाही। मुख्यमंत्री हर कहिन कि ए योजना के सुरता बिरसपतवार के दिन गौरेला विकासखंड के दौरा म आइस। जब उहां एक मनरेगा मजदूर ह मुख्यमंत्री ल अपन टिफिन ले खाना खवाइस।


style="display:block"
data-ad-client="ca-pub-3208634751415787"
data-ad-slot="6745940556"
data-ad-format="auto">

Post a Comment

0 Comments